کابلده گی پارتلش ملی اردوعسکرلریدن 7نفرنی یره لنتیردی

Image copyright AFP

پایتخت کابلده یول یانیده اورنه تیلگن ماین پارتلشی عاقبتیده افغان ملی اردوعسکرلریدن 7نفر تن جراحتی آلدی.

کابل پلیسی حشمت استانکزی بی بی سیگه بو واقعه محلی وقت بیلن ساعت 7ده روی بیرگنی نی ایتدی.

اونگه کوره افغانستان ملی اردو عسکرلری مینیلگن نقلیه واسطه ایسه کابل جنوبی خواجه نورمحله سیده یول یانیده اورنه تیلگن ماین بیلن دوچ کیلگن.

استانکزی جنابلری گه کوره اوشبو واقعه ده عادی اهالی گه تلفات ییتمه گن وپلیس ایسه حادثه قنده ی یوزبیرگنی نی اورگه نیش اوچون محلگه ییتیب بارگن.

محلی رسانه لرتن جراحتی آلیشگن لرملی اردونینگ مخصوص کوچلری بولگنینی خبربیرگنلر.

مدافعه وزیرلیگی سوزچیسی ظاهر عظیمی اوز توییترصحیفه سیده بوواقعه ده ملی اردونینگ 7عسکری یره له نیب وساغلیق احواللری یخشی بولگنی نی یازگن.

اخیرگی کونلرده پایتخت کابل قطارخودکش هجوملری وپارتلش حاللریگه گواه بولماقده.

طالبان گروهی بوحادثه مسوولیتی نی اوز بویین لریگه آلیشگن.

اوتگن کونی کابل وجلال آباد شاه یولیده یوزبیرگن پارتلشده افغانستانده گی ناتوکوچلری نینگ ایکی نفرعسکری هلاک بولدی.

اوتگن کونی افغانستان شمالی قندوز ولایتی ده ماین پارتلشی نتیجه سیده آلتی کیشی بوجمله دن 2عیال اوزجانینی قولدن بیردی. ایکی کون آلدین پکتیکا ولایتیده والیبال بیلله شوویده یوزبیرگن پارتلش عاقبتیده یوزدن آرتیق نفر اولیب یاره لنگندی.

بوندن آلدین هم ملی اردومینیلگن نقلیه واسطه لری دولت مخالف لری تاماندن هجومگه توتیلگندی.

حالبوکی افغانستانده خذمت قیلیب کیله یاتگن خارجی کوچلرنینگ قالیش مدتی نهایه تاپیب مملکتنی ترک ایتیش عرفه سیده لر.وامریکا قوشمه ایالاتلری ایسه ترورچیلرگروه لرگه قرشی کوره ش اوچون اوز حربی کوچلری ماموریتی نی ینه بیرییلگه اوزه یتیرگن.