عبدالله عبدالله : کابینه نی تشکیل ایتیلیشی باره سیده مینینگ تامانیم اشرف غنی

Image copyright Getty

عبدالله عبدالله کابلده بولیب اوتگن خبری انجمنده جنرال دوستیم نینگ قدرت تینگ شکلده بولینیشی عملی ایتیش ناممکن لیگی باره سیده بیلدیرگن سونگی مناسبتی گه جمهور رئیس غنی بیلن بوخصوصده بحث ایتیب و بوندن کوپلب کیشی معلوماتی یوقلیگی نی ایتدی.

عبدالله جنابلری گه کوره: بوباره مین فقط جمهور رئیس بیلن صحبت قیله من .واگر بیرارته بیزلرنینگ بحث لریمیزدن خبرسیزبولسه مین هیچ کیمنی ملامت قیلمه یمن.

بوندن آلدین افغانستان جمهور رئیسی نینگ بیرینچی اورین باسری جنرال دوستیم بی بی سی بیلن بولگن صحبتیده حکومت لندن ییغینیدن آلدین امینتی واقتصادبولیم گه عایدوزیرلرتنیشتیریلیشی ممکن دیگندی.

دوستیم جنابلری عبدالله عبدالله بیلن غنی جنابلری اورته سیده قدرت نینگ 50و50بولینیشی عملی بولمسلیگی نی ایتگن ایدی. شونینگ دیک اوقدرت بیردیک بولینگن تقدیرده ناتینچلیک آشیب وبولینیش لرنی آلیب کیلیشینی تاکیدله گن.

افغانستان جمهور ریسلیک سیلاوی ایکی باسقیچده هم جنجللربیلن بیرگه بولدی ونتیجه ده امریکا تشقی ایشلروزیری جان کری ایکی تامان اورته سیده واسطه چیلیک قیلیب نهایتده ایکله تامان ملی بیردملیک حکومتی نی تشکیل بیریش اوستیده شرطنامه امضاله دیلر.

ملی بیردملیک حکومتی تشکیل بیریش اوچون ایریشیلگن کیلیشوونامه ده ملی مشارکت وافغانستان جمهور رئیسی بیلن اجرائیه رئیسی ملکه لی کیشی لرایشگه آلیشگه بیردیک تنلش سوزلریدن فایده له نیلگن.

ینگی حکومت نینگ قسم یاد ایتیش مراسمی دن کمیده 50کون اوتماقده وبرچه وزیرلیک لرودولت نینگ مهم رسمی لری سرپرست بولیب خذمت قیلماقده لر.