اشرف غنی: افغانستانده نیابتی اوروشگه رخصت بیریلمه یدی

افغانستان جمهور رییسی اشرف غنی جنوبی آسیا سارک منطقه وی همکارلیکلر = تشکیلاتی نینگ ییغینیده، اوز مملکتی ده نیابتی اوروشدن فایده لنیشگه رخصت بیرمسلیگی نی ایتگن.

غنی جنابلری:" بیز نه فقط بونگه رخصت بیرمه یمیز، بلکه بیزنینگ حدودلریمیز هیچ بیر قوشنی مملکتگه فایده لنیلمه یدی".

بی بی سی نینگ نیپال پایتختی کتمندوگه یوباریلگن درکچیسی سیدانورنینگ محل دن بیرگن معلوماتلریگه کوره، غنی جنابلری بو اظهاراتیده ایکی رقیب پاکستان و هندوستان نی آگاه لنتیرگن.

درکچیمیزگه کوره، افغانستان جمهور رییسی نینگ آگاه لنترووچی اظهاراتلری هندوستان باش وزیری ناریندرا و پاکستان باش وزیری نوازشریف لرگه اهمیتلی بولیب، کوپچیلیک رهبرلرنینگ اعتبارینی اوزیگه جلب ایتگن.

افغانستان دولت رسمیلری هر دایم اتوم بمب گه ایگه بولگن ایکله رقیب نینگ نیابتی اوروشلریگه نسبتآ؛ سوزلب کیلگن، اما ایلک بار جمهور رییس بو موضوع نی یوقاری مقیاسده ایکله مملکت رهبرلری حضوریده بیان قیلگن.

افغانستان میدانیده پاکستان وهندوستان اورته سیده گی نیابتی اوروش موضوعی سونگی وقتلر رسانه لر و دیپلماتیک تیوره کلرده بحثگه ایله نیب، بونده ی اوروش یوز بیریشی آلدی آلینیشی کیره کلیگی باره سیده تاکیدلنماقده.

غنی جنابلری سونگی ده پاکستانگه سفر قیلیب، هندوستان باش وزیری بیلن کتمندو ده اوچره شگن.

یقین پیتلرده پاکستان سابق جمهور رییسی پرویز مشرف فرانسه خبرآژانسیگه ناتو کوچلری نینگ افغانستان نی ترک ایتگن تقدیرده، پاکستان وهندوستان نی افغانستانده نیابتی اوروش یولگه قوییشی ممکنلیگی باره سیده تاکیدله گندی.

مشرف گه کوره، هندوستانلیکلر افغانستان ده قومی عنصرلردن فایده لنماقچی بولسه، پاکستان هم قومی عنصرلردن فایده لنیشی ممکن و پاکستان اوچون پشتون قوملر ایشانچلی دیر. بنابرین، افغانستانده نیابتی اوروش باشله نیشی ممکن.

باشقه تماندن افغانستان آلدینگی جمهور رییسی حامدکرزی هم هندوستان پایتختی دهلی ده کابل اوز توپراغی دن باشقه مملکت گه فایده لنیشگه رخصت بیرمسلیگی نی تاکیدله گندی.