بلخ ولایتیده یوزلب عیال گه اوی باغچه لری ایجاد ایتیلگن

Image caption مسووللرنینگ ایتیشلریچه ،بوکیچکینه اوی باغچه لری خاص عایله لراوچون بولگن، بوبرنامه مقصدی عیاللرنینگ ایشگه مشغول قیلیش، اقتصادلرینی بلند کوتریش

بلخ ولایتیده چارودارچیلیک اداره سی تامانیدن 3200 عیال گه اوی باغچه لری ایجاد ایتیلگن.بوندن مقصد هم عیاللراوشبو ایش بیلن اوز اقتصادی قیین چیلیکلرینی تامین لش بولگن.

بوبرنامه واسطه سی بیلن اوی باغچه سیگه ایگه بولگن پریگل آپه هم، تورلی سبزوات تخملرینی قولگه کیریتیش بیلن مفاد قولگه کیلتیریشیدن سوزیوریتدی.

«بوییرنی سبزوات اوچون توزه تگندیک، سوودن قیین چیلیگیمیزبار سواوییمیزدن پسده ماشین بیلن سوو چیقاره میز برق بولمسه اوتلریمیز قوریب کیته دی. باغچه میزده گشنیز، مولچه، ایسپلاق، گندنه وشونگه اوخشه گن سبزواتلر.

باغچه میزگه اوچ ییل بولدی، بوندن الدین هیچ نیمه ایکمسدیک. منه شوپروژه کیلگندن کیین تورت دیوال قیلیب توزه تدیک. سبزواتلردن ساتدیک هم مفادهم قولگه کیریتدیک اویمیز شهردن اوزاقلیگی اوچون کوپینچه قوشنی لریمیزگه ساته میز50، 60 گاهیده 100 افغانی بوله دی.

شونی پولیدن اوزیمگه اوست باش توزه تدیم ایاغیمگه بوت آلدیم ییدیک همه سینی ساتگنیمیزهم یوق، قیش اوچون پمیدورقوروتدیک.» دییدی او

بوسبزوات لردن محله ده گی عایله لر ساتیب آلرایکنلر، پروانه آپه هم اوییده سبزوات تورلریدن فایده لنیشی اوچون قوشنی همسایه لری نینگ اوی باغچه لریدن ساتیب آله دی.

اونگه کوره، شهربارمسدن شو یقینیده گی امکانیت دن فایده لنیشدیر.

بلخ ولایتی چاروادارچیلیک ریسی کاتب شمس گه کوره، چاروادارچیلیک وزیرلیگی تمانیدن ولایتلر زراعت ریاست لریگه تورت برنامه اورنه تیلگن بولیب، که اونده طبیعی منبع لربولیب، ییر، باغ وسو مساله سیگه تیگیشلی بوله دی.

بونینگ آلدیده چاروادراچیلیک وزیرلیگی دوست مملکت لریاردمی بیلن ملی پروگرام نی اچ ان ال نامی واسطه سی بیلن ایجاد ایتگن.

شمس جنابلری نینگ ایتیشیچه، بوبرنامه 2005 ییلدن بویان یولگه تشلنگن بولیب، 22 ولایتنی اوزقمراوویگه آلیب، بلخ ولایتیده ایسه 14 تومننی. 10 خیل میوه بار، بوبرنامه ده تجارت نی رواجلنتیریش بیلن بیرگه ایسکی باغچه لردن ایری ینگی باغچه لرنی باغدارعایله لرگه فنی شکلده کورسلرایجاد ایتیلگن.

حاضرگه قدر 8000 باغ نینگ قیته قوریش ایشلری باشلنگن بولیب، بونده قیش کمپاینی همده یاز کمپاینی ولایت نینگ هربیرتومنیده عایله لرگه بیرعیال وبیرایرکک اوی باغچه لرینی فنی شکلده تربیه لشده تا 2018 ییلگه قدر یاردم بیره دیلر.

شونینگدیک، اوشبو برنامه نینگ مسولی احمدفهیم جباری جنابلری نینگ ایتیشیچه، بوکیچکینه اوی باغچه لری خاص عایله لراوچون بولگن، بوبرنامه مقصدی عیاللرنینگ ایشگه مشغول قیلیش، اقتصادلرینی بلند کوتریش، عایله لرنینگ مناسب تغذیه لش واوی لر اطرافینی کوکلم قیلیشدیر. بو برنامه شو مقصد بیلن ایش باشله گنینی تاکیدله دی. بونده هربیرساحه نی قمراوگه آلیش اوچون بیرینچیدن محل انکشافی شورالرهمده ولسوال لربیلن صحبت لنیب محله ده گی فایده لنوچیلررویخط گه آلینه دی.

جباری جنابلریگه کوره، بولرهربیری انکشافی شورالروملی پروژه واسطه سی بیلن 25 کیشیلیک گروپ لرگه اجره تیلیب، 16 تور سبزوات تخملری عایله لرگه ترقتیله دی. همده اولرگه شوگروپ لرآرقه لی تعلیم بیریله دی. اوی باغچه لرینی تربیه لشده عایله لرگه سبزوات کتابلری، سوسپیش دستگاه سی، بیلچه، حاصلات لرینی ییغیش اوچون سبدلر ترقتیله دی. اوی باغچه لرینی قوریشده اساسا عایله لرده 150 تا 200 مترمربع ییر، دهقان ایش قیلیش اوچون علاقه بولیشی شرط، پروژه شرایطینی قبول قیلیشی وییترلی سووگه ایگه بولیشی وبونینگ آلدیده اینگ مهم مساله خوفسیزلیک دیر. که بو برنامه نینگ مقصدی بولگن. بوبرنامه جهانی بانک تمانیدن حمایه ایتیلیب، دهقانلرنی ظرفیتینی کوتریش، باغدارلیک و چاروادارچیلیکده ایشلب چیقریش کیفیت لری بیلن، افغانستان اقتصادینی کوچه یتیریش مقصد گه موافق بولیشدیر. زون شمالده 8900 گه قدر عایله بوبرنامه قمراوویگه آلینگن بولیب، بلخده ایسه 3200 عایله نی تشکیل بیرگن.