ناتو افغانستان اوچون ینگی ماموریتی نی اعلام قیلدی

Image copyright Reuters

ناتو افغانستان اوچون مصلحت بیریش ینگی ماموریتی نی جمهوررییسی محمد اشرف غنی و اجراییه رییسی عبدالله عبدالله حضوریده اعلام قیلدی.ناتو باش کاتبی ینس استولتنبرگ ناتو یغینده بوسازمان شرقده گی موجود تره نگلیکلربیلن یانداشیشگه احتیاجی بارلیگینی ایتگن.

ناتو باش کاتبی سه شنبه کونی بولیب اوتگن ناتویغینده شوندی بیانات بیلن چیققن. ناتو نینگ ینگی ماموریتی میلادی 2015 – ییل جنوری آی نینگ بیرینچی کونیدن باشلنه دی.

اوچ ییل آلدین افغانستان ده گی ناتوکوچلری سانی 140 مینگ ایدی بورقم حاضر 13 مینگه کمه یگن.

ناتو مقاملری نینگ ایتیشلریچه، افغانستانده گی ینگی ماموریت اوچون امریکا قوشمه ایالت لری اون مینگ عسکری افغانستانده قالیشینی وعده بیرگن.بوکوچلر فعالیتی تروریزمگه قرشی کوره شیش و افغان امنیتی کوچلریگه مصلحت بیریش خصوصیده قره تیله دی.

جمهوررییس محمد اشرف غنی و اجراییه رییسی عبدالله عبدالله ملی بیردملیک حکومتی ایشگه باشله گنیدن سونگ بیرینچی بار ناتو یغینیده اشتراک ایتدی.

جمهوررییس غنی افغان امنیتی کوچلری مملکت دن مدافعه ایتیش مسوولیتی نی قبول قیلیشگه تیار ایکن لیگینی ایتیب شوندی دیگن:" ناتونینگ افغانستانده گی حضوری امنیت تامین له نیشگه سبب بولیب ، کمبغلیک نی کمیتیریش عیاللر و یاشلر حقلرینی تامین لش اوچون جامعه میزقادر بوله دی دیگن امیده ایدیک. تاسف بیلن حاضرگه قدرهم امنیت بیرینیچی اورینده تورگن مهم موضوع لردن بیری. افغانلر اوروش نینگ تحمیلی بولگنینی توشینیب صبر سیز لیک بیلن صلح برقرارله نیشینی کوته دی. شوسبب امنیتی کوچلریدن تولیق شکلده حمایت بیلدیره دی."

ناتو باش کاتبی شوندی دیگن:" ملی بیردملیک دولتی ایککی رهبری نینگ بوییرده حضور تاپگنی ناتو وافغانستان اره سیده کوچلی تعهدنی کورسه ته دی."

بوندن بیرنیچه کون الدین افغانستان پارلمانی، افغانستان – امریکا و افغانستان – ناتو اره سیده امضالنگن همکارلیک بیتیملرینی تصدیق له دی.

شوندی ایکن، طالبان عصیانچیلری هم افغانستان پایتختی کابل وباشقه ولایت لرده اوز هجوملرینی کوپیتیرگن.