افغانستان ده اچ آی وی مثبت حالت لری اون فایز کوپیگن

افغانستان ساغلیق نی سقلش وزیرلیگی نینگ ایتیشیچه،رویخط گه آلینگن اچ آی وی مثبت حالتلری 1694 گه ییتگن. اما بوکسللیککه چلینگن شخصلر سانی بوندن کوره هم کوپلیگی ایتیلماقده.

خلق ارا ایدز کونی مناسبتی بیلن بو وزیرلیک تمانیدن نشر ایتیلگن خبرنامه ده یازیلیشیچه، بو مملکت ده حاضرچه اچ آی وی ویروسیگه مبتلا بولگن 4500 کیشی بارلیگی هم تخمین بولگن.

افغانستان ساغلیق نی سقلش وزیرلیگی سرپرستی احمدجان نعیمی نینگ ایتیشیچه افغانستان ده رویخط ده الینگن حساب اونچه لیک کوپ ایمس و بو ویروس نینگ یوقیش حالت لری هم افغانستان جمعیتی سانی گه قرگنده خواطرلری ایمس.

افغان رسمیلرگه کوره؛ اوتیز ییل لیک اوروش ، مخدره ماده لر ایکیمی ، قشاق لیک ، سواد سیز لیک و مهاجرت بو کسل لیک نی ترقه لیشیگه زمینه یرتگن.

رسمیلر عین دمدمه نیچه بنگی ، مخدره ماده نی بیر ایگینه ارقلی اوتکزیشی بو کسل لیک نی تاباره کینگیب باریشگه سبب بولگنی اورغولگن .

افغانستان ده حاضرگه قدر کمیده بیرمیلیون معتاد بار لیگی معلوم .البته بولردن قریب ایککی یوز مینگی مخدره مادهلر نی ایگینه ارقلی اوزلریگه اوتکزه دی .

افغانستان ساغلیق نی سقلش وزیرلیگی نینگ معلوماتیگه کوزه حاضرقدر بو ممکلت ده اچ آی وی گه قرشی کوره ش اوچون اون آلدینی الیش، اون مصلحت بیریش مرکزی ، و ایککی دوالنیش ودرمان مرکزی فعالیت قیلماقده.

بو ییل ایدز خلق ارا کونی "اچ آی وی نی کنترول قلینگ ، دواملی دوالنیش ، حیات محافظتی " شعاری بیلن نشان لندی .

بیرلشگن ملت لر تشکیلاتی نینگ ایدزگه قرشی کوره ش اداره سی معلومتی گه کوره، دنیا بویلب 35.3 میلیون کیشی ایدز ویروسیگه چلینگن . بولردن یرمی عیال لر بولگن.

افغانستان ده برینچی بار اچ ای وی ویروسی 1989نچی ییل مرکزی قان بانکیده انیق لندی .

میلادی2003 - ییل گه قدر فقط 28 کیشی بو ویروسگه چلینگنی معلوم بولگندی،اما افغانستان عامه ساغلیک وزیرلیگی بوکون ایدز خلق ارا کونی مناسبتی بیلن اوتزگن یغینده حاضرچه افغانستان ده بو ویروس گه چلینگن و رویخط ده الینگن کیشی لر سانی 1694 کیشی ایکن لیگینی اعلان قلیب لیکن بوتون مملکت ده 4500 کیشی ایدز کسل لیگی گه مبتلا بولگنی نی تخمین قیلگن.