امریکا مدافعه وزیری افغانستان گه ییتیب کیلدی

Image copyright US DoD

امریکا مدافعه وزیری چاک هیگل، آلدین دن اعلان ایتیلمه گن سفر بیلن کابلگه ییتیب کیلگن. امریکا مدافعه وزیرلیگی اوزی نینگ تویتیر صحیفه سیده اونی افغانستان ده گی خلق ارا کوچلر باش قوماندانی جنرال جان کمپبل کابلده کوتیب آلگنی باره سیده یازگن.

امریکا مدافعه وزیری نینگ افغانستان گه قیلگن سفری دن مقصد نیمه لیگی هنوز معلوم ایمس، اما او بو سفرده افغانستانده گی امریکالیک کوچلربیلن اوچره شیشی ممکن.

بو هیگل نینگ اینگ سونگی سفری بولیشی ممکن، چونکه او اوز وظیفه سیدن استعفا بیرگنی آرتیدن، اوتگن آقشام امریکا جمهور رییسی براک اوباما اونینگ اورنیگه اشتون کارتر مدافعه وزیر صفتیده تنیشتیردی.

ایتیلیشیچه، اشتون امریکا سنا مجلیسی دن ایشانچ آواز آلگنیدن سونگ، او مملکت نینگ مدافعه وزیری صفتیده رسمآ تعیین ایتیله دی. سنا مجلسی نینگ اکثر اعضالرینی جمهوریت چیلر تشکیل بیره دی.

کارتر سنامجلسی تمانیدن ایشانچ آواز آلگونچه، هیگل اوز وظیفه سیده ایش قیلیشی ممکن. امریکا افغانستانده 9800 نفر عسکرینی افغانستانده قالدیریشی ممکن، قالگنلری نی آلیب چیقه دی.

افغانستانده قاله دیگن عسکرلر عمومآ، تیارگرلیک، فن و مالیوی ساحه لریده خوفسیزلیک کوچلرنی حمایه قیلیشی ممکن.