هلمنده بیرقیز اولدیریلیب یوزیگه تیزاب سیپیلگن

Image copyright Abdul Aziz Safdari

هلمند ولایت مقاملری نینگ ایتیشلریچه، 15 یاشلیک قیز جسدی بیر ویرانه دن تاپیلگن، اولرگه کوره، قیز پیچاق بیلن اولدیریلیب یوزیگه تیزاب سیپیلگن ایکن. قیزنینگ جسدی پلیس کوچلری تامانیدن کسلخانه گه آلیب باریلگن.

بست کسلخانه سی نینگ رییسی داکتر نثار احمد بارک بوقیزنینگ کوکره گی و قرنیده پیچاق اثری موجود بولیب یوزیگه هم تیزاب سیپیلگن. بارک جنابلری شونینگ دیک بو قیزحامله ایکنینی ایتگن.

اوتگن اقشام اهالی ویرانه ده قیز جسدینی کوریب پلیس گه خبربیرگنیدن سونگ پلیس جسدنی کسلخانه گه انتقال بیرگن.

کسلخانه مسوولی اولدیریلگن قیز کیملیگی نامعلوم ایکنلیگینی ایتیب، حاضرگه قدر بوقیز" یقینلریدن من دیب" هیچ کیم کسلخانه گه مراجعت قیلمه گنینی تاکیدله گن.

بوقیز قندی نیمه اوچون وقندی اولدیریلگنی باره سیده هیچ قندی معلومات یوق، اما داکتر بارک بوحقده شوندی دیگن:" قانون دن اگاهی سیزلیک جامعه ده حاکم ناپسند عنعنه لر سبب بو قیزاولدیریلگن بولیشی ممکن."

بوقیز اولدیریلگنی ارتیدن قندهار ولایت نینگ انسان حقلرینی سقلش مستقل کمیسیون مسوولی محمد بلال صدیقی عیاللرگه قرشی کینگ زوروانلیک لر موجودلیگی حقیده خواطیر بیلدیرگن.