جوزجان پلیس ضابط لریدن بیر طالبان هجومیده هلاک بولگن

جوزجان پلیس قوماندانلیگی نینگ کشف آمری خمآب تومنیدن جوزجان مرکزی قره ب کیله یاتگن بیرپیت آقچه و مردیان تومنی آره سیده گی یولده طالبان پیستیرمه سیگه دوچ کیلیب بیر پلیس بیلن هلاک بولگن. شونینگدیک بو توقنه شووده ایککی پلیس و اوچ طالب هم یره لنگن.

جوزجان پلیس قوماندانلیگی نینگ ایتیشیچه هلاک بولگن پلیس ضابطی خمآب تومنیده یولگه قوییلگن عملیات نی رهبرلیک قیلیش اوچون اوشبو تومنگه بارگن ایکن، قیتیب کیله یاتگن بیرپیت مردیان و اقچه اره سیده طالبان پیستیرمه سیگه دوچ کیلیب هلاک ایتیلگن.

طالبان عصیانچیلری مطبوعات گه پیام یوللب بو پیستیرمه ده ییگیرمه پلیس هلاک بولگنینی ادعا قیلگن.

بوندن قریب اوچ آی الدین جوزجان پلیس قوماندانلیگی نینگ جنای مدیری هم طالبان قوراللی لری تامانیدن اولدیریلگن ایدی.

محلی مقاملر خمآب تومنیده یولگه قوییلگن حربی عملیات باره سیده ارتیق معلومات بیرمی، عملیات دن الدین طالبان قوراللی لری محلنی ترک ایتگنینی ایتگن.

جوزجان ولایتی نینگ خمآب تومنی قوشنی ترکمنستان بیلن چیگره داش بولیب ایریم محللریده طالبان عصیانچیلری فعال بولگنی ایتیله دی.