کابلده ملی اردو کوچلری نقلیه واسطه سی انتحارچی تامانیدن نشانگه آلیندی

Image copyright Photo hedayat

بوگون توشدن کیین پایتخت کابل شهری غربیده ملی اردوی کوچلری نقلیه واسطه سی یولده کیته یاتگن بیرپیت انتحارچی تامانیدن نشانگه آلیندی،کابل پلیسی گه کوره، مذکورانتحاری هجومده ملی اردو خادملریدن 6 نفراولیب تینچ فقراداخل 17 نفریره لنگن.مرکزده گی کسلخانه لرنینگ عمومی مسوولی کبیر امیری الدینراق بی بی سی بیلن بولگن صحبتیده بوهجومده یره لنگن 17 کیشی کسلخانه گه آلیب کیلینگنینی ایتگن ایدی. عینی حالده اولردن ایککی ته سی عیال بولگنینی معلوم قیلدی.انتحاری هجوم کابل شهری نینگ دهمزنگ یقینده گی گوجوم جاده لریدن بیریده یوزبیردی.افغانستان مدافعه وزیرلیگی سوزچیسی ژنرال ظاهر عظیمی یوزبیرگن انتحاری هجومده " عسکرلریمیز اولیب یره لندی، اما انیق رقم یوق " فکر بیلدیرگن.کابل پلیس قوماندانلیگی سوزچیسی حشمت الله ستانکزی انتحارچی شخص ملی اردوی کوچلری موتری یقینده اوزینی پارتلگنینی ایتدی.طالبان گروهی هجوم مسوولیتی نی اوز ذمه سیگه آلیب ملی اردو عسکری موتری نشانگه آلینگنینی ایتگن.