بلخ ده بیرقیزباله گه تجاوز قیلیش عیبی بیلن بیرشخص قولگه آلیندی

بلخ ولایتی نینگ شولگره تومن حاکمی سراج الدین عابد بی بی سی بیلن بولگن صحبتیده؛ اوشبو تومن نینگ مهاجرین ناملی قیشلاغیده بیش یاشلیک قیز جنسی زورلنگنیدن خبربیریب، قضیه گه عیبدار بیر کیشی قولگه آلینگنینی ایتدی.

عابد جنابلری گه کوره جنسی زورلش قضیه سی ایککی کون آلدین روی بیریب، جنسی زورلش عیبی بیلن توتقینگه آلینگن شخص اوستیدن تحقیقات ایشلر باشلنگن.

اونینگ ایتیشیچه:" ایککی کون الدین شولگره تومن مرکزی یقینیده جایلشگن مهاجرین قیشلاغیده بیش یاشده بولگن قیزه لاق جنسی زورلنگنی باره سیده خبر ییتیب کیلدی. پلیس کوچلری 19 یاشیده بولگن بیر اوسمیر باله نی قضیه گه عیبدار تانیب توتقینگه آلگن. قولگه آلینگن شخص اوستیدن تیکشیروو ایشلری اوتکزیلماقده."

هرچند جنسی زورلنگن دیگن قیز طبی تیم تامانیدن تیکشیریلمه گن، اما محلی رسمیلر پلیس تامانیدن آلیب باریلگن دستلبکی تحقیقات نتیجه سیده قیزنینگ جنسی زورلنگنی معلوم بولگنینی ایتگن.

عین حالده عابد جنابلریگه کوره، جنسی زورلنگن قیز احوالی یخشی بولگنی اوچون کسلخانه گه آلیب باریلمه گن.

بوندن بیرنیچه هفته آلدین شمالی تخار ولایتیده هم وایه گه ییتمه گن ایککی قیزباله جنسی زورلنگنی ایتیلگن ایدی.