عالی محکمه دارالانشا باشلیغی اولدیریلدی

Image copyright AP

مقاملرگه کوره، افغانستان عالی محکمه سی نینگ دارالانشا رییسی قاضی عتیق الله رؤفی بوگون ایرته لب اوییدن ایشخانه سی قره ب کیته یاتگن بیر پیت ناانیق قوراللی لر تامانیدن کابل شهریده ترور ایتیلگن.

کابل پلیسی یوز بیرگن بوحادثه نی تصدیقله دی.

کابل پلیس قوماندانلیگی سوزچیسی حشمت الله ستانکزی بی بی سی بیلن بولگن صحبتیده محلی وقت بیلن ساعت توقیز اطرافیده عتیق الله روفی ترور ایتیلگنینی ایتدی.

طالبان گروهی بو ترور مسوولیتی نی اوز ذمه سیگه آلگن. آرتیق تحقیقات اوچون جسد عدلی طبیگه آلیب باریلگن.

بو حادثه کابل شهری نینگ بیشینچی حوزه سیده یوزبیرگن.

کابل پلیس قوماندانلیگی سوزچیسی حادثه عامللرینی تاپیش وقنده ی یوزبیرگنینی انیق لش سعی وحرکت لر باشلنگنینی اورغوله دی. همده او،بیرینچی معلومات اساسیده هجومچیلر موترسایکل ده بولگنینی ایتدی.

سونگی وقتلر پایتخت کابل قطار ناقرارلیک لرگه گواه بولیب کیلماقده.