کابلده موجود وضعیت نینگ آلدینی آلیش اوچون گارنیزیون ایجاد ایتیلماقچی

Image copyright MoI

افغانستان دولتی کابلده هجوم لر شدت له شیب زوره وانلیک لرنی آلدینی آلیش اوچون گارنیزیون یا تورلی اداره لردن توزیلگن قوشمه ارگان ایجاد ایتماقچی. اوتگن حکومت لر دوریده گارنیزیون ایسه امنیت نی تامین لب وخوف سیزلیک کوچلری اورته سیده گی ایشلرنی موافق لشتریش اوچون مهم وتاثیرلی بولگن. یقینده افغانستان جمهور رئیسی محمد اشرف غنی امنیتی کوچلر قوماندانلری بیلن بولگن اوچره شووی ده کابلده گارنیزیون ایجاد ایتیش ممکن لیگی نی ایتگن. سونگی آیلرده پایتخت کابلده پارتلش وهجوملرسانی مثلی کوریلمه گن درجه ده آشیب کیتگنی آرتیدن افغانستان دولتی ایسه بو وضعیت نینگ آلدینی آلیش اوچون حل یول قیدیرماقده. شوهفته جریانیده افغانستان جمهور رئیسی امنیتی کوچلررهبرلری بیلن اوچره شیب وبو کوچلر اورته سیده همآهنگلیک بولمه گنینی تنقیدلب چیققن ایدی. اوحاضرگی احتیاجلرگه امینتی کوچلر جواب بیرمه گنی سبب کیلگوسی هفته لرده گارنیزیون فعال بولیشی ممکن لیگی نی ایتدی."خدا فضلی بیلن سیزلرنینگ سعی وحرکت لرینگیز سبب قابلیت بار، اما همآهنگلیک یوق، همآهنگ لیک اردو اورته سیده یوق، واردو وایچکی ایشلروزیرلیگی گه یوق، وایچکی ایشلروزیرلیگی، اردو و ملی امنیت اورته سیده یوق" دییدی غنی جنابلری افغانستان مدافعه وزیرلیگی سوزچیسی دولت وزیری گارنیزیون نینگ قیته ایجادایتیلیشینی دولت مخالف لری هجوملری نینگ آلدینی آلیش اوچون مهم دیدی. اونینگ فکریچه امنیتی کوچلر بیرارگان تاماندن رهبرلیک بولیشی بیلن هجوم لرآلدی آلینه دی."بیله سیزکی دولت مخالف لری تورلی جبهه لرگه شکست گه اوچره دی، شونینگ اوچون اولرشهرلرنی ناتینچ قیلیش مقصدی بیلن هجوملرنی هم شهرده شدتلشتیریب یوبارگن، شونگه اساسله نیب افغانستان جمهور رئیسی گارنیزیون نی ایجاد قیلماقچی، گارنیزیون قوماندانی فقط امنیتنی تامین لشگه مسوول بوله دی وخلاص، تورلی امنیتی اداره لرکوچلری اونینگ امری آستیده بوله دی، گارنیزیون قوماندانی هیچ ارگاندن سوره مسدن بوکوچلرنی ایسته گن محلگه سفربرایته آله دی" دییدی وزیری جنابلری بومملکتده افغان تورلی امینتی لردن تشکیل ایتیلگن ارگان یا گارنیزیون اوتگن حکومت لرده هم فعال بولگندی. ملی اسلامی جنبش حاکمیتی دوریده فاریاب ولایتی گارنیزیون قوماندانی وحاضر افغانستان مدافعه وزیرلیگی لوا لریدن بیری نینگ قوماندانی فتح الله همدست اودورگی گارنیزیون فعالیت لری تاثیرلی دیب ایته دی. شونینگ دیک همدست جنابلری بواداره امنیت نی یخشی تامین له آلگنی سبب اهالی عمومن راضی ایکن لیگینی تیلگه آله دی. قطارحربی تحلیلچی لرنینگ فکرلریچه امنیتی کوچلر اورته سیده همآهنگلیک بولمه گنی کته معما بولیب فعالیت لری تاثیرینی کمه یتیریب یوبارگن. پایتخت کابلده گارنیزیون ایجاد ایتیش لایحه سی باره سیده گی خبرلر خارجی لراوز کوچلرینی بومملکتدن آلیب چیقیشیگه 2هفته قاله یاتگن بیرپیتده چیقماقده، اولرمملکت نی ترک ایتیشی بیلن افغان امنیتی کوچلری خوف سیزلیک نی تامین لش وبرچه عملیاتلرنی اوزعهده لریگه آلیشه دیلر.وناتونینگ قالگن حربی لری افغان امنیتی کوچلری مصلحت بیریش، مشق دن اوتکزیش ویاردم قیلیش رولی اوینه یدیلر.