پاكستان: طالبان مكتبگه هجوم قيليب 126 کیشنی اولديرگن

Image copyright Reuters

پاكستان دولت رسميلري بو هجومده كميده 126 نفر هلاك بولگنيني ايتيشگن. پاكستان جمهور رييسي ممنون حسين و باش وزيري نوازشريف بو هجوم ني قاره له گنلر. اولردن 84 نفري مكتب اوقووچيلري دير. بي بي سي نينگ پاكستان ده گي باش كاتبي عامراحمد خان نينگ ايتيشيچه، اولگنلردن اكثريتي ني 15 ياشيده بولگن اوقووچيلر تشكيل بيره دي. اونگه كوره، مكتبگه هجوم و اوقووچيلرنينگ اوليب يره لنگني پاكستان اهاليسي روحيني تاثيرلنتيرگن. ايتيليشيچه، مكتبده خودكش هجوم سيسي هم ايشيتيلگن. مذكور مكتب حربي بوليب، پاكستان اردوسي اداره سي آستيده ايكني ايتيله دي

Image copyright Reuters

حربي لر كييمي ني كييب آلگن بيش يا كي آلتي جنگري مكتب گه كيريب بارگنلر، ديب ايتماقده لر رسميلر.

Image copyright j

شوندن سونگ، آتيشمه و پارتلش آوازلري اييشيتيلگن. مكتب ني خوفسيزليك كوچلري اوره ب آلگن.

Image copyright AP

خبرلرگه كوره، طالبان مكتب نينگ بيرقنچه اوقووچيسي ني گيراو ده اوشلب توريشگن. بو مكتب پاكستان اردوسي قره ماغيده گي مكتب بولگن. طالبان مكتبگه هجوم اوچون مسووليت ني ذمه سيگه آلگن.

طالبان سوزچيسي نينگ ايتيشيچه، بو هجوم پاكستان اردوسي نينگ جنگريلرگه قرشي آخرگي وقتلرده اوتكزگن حربي عملياتلريگه جواب بولگن.