عبدالله: تیزآره ده کابینه اعلان ایتیله دی

Image copyright Reuters

افغانستان حکومتی اجراییه رییسی عبدالله عبدالله جمهور رییس نینگ کابینه خصوصیده بیرگن وعده سی مدتی توگه مسدن آلدین، کابینه اعلان ایتیلیشگه امید بیلدیردی.

بوندن آلدین جمهور رییس محمد اشرف غنی لندن انجمنی عرفه سیده ینگی کابینه ایککی ویا اوچ هفته دن سونگ، اعلان ایتیلیشینی معلوم قیلگندی.

ینگی ملی بیردملیک حکومتی نینگ ایشگه باشله گنیدن قریب اوچ آی اوتر ایکن، ینگی کابینه اعلان ایتیلمه گنی قطار تنقیدلرگه سبب بولیب کیلگن. شونینگ دیک مملکت اقتصادی و امنیتی وضعیتیگه هم منفی تاثیر قالدیرگنی باره سیده تشویشلر پیدا بولگن.

ایریم رسانه لر کابینه خصوصیده پیدا بولگن جنجاللر کابینه کیچیکتیریلیشگه اصلی عامل بولگنی باره سیده خبر بیریب، بیراق افغانستان حکومتی نینگ اجرایه رییسی عبدالله عبدالله بوگون کابلده اوتکزیلگن مطبوعات انجمنیده. بوکبی ادعا لرنی رد ایتگن.

اوشونینگ دیک، کابینه باره سیده جمهور رییس بیرگن وعده سی مدتی توگه مسدن آلدین ینگی کابینه اعلان ایتیلیشگه امید بیلدیردی:"شونده ی کی جمهور رییس لندن کنفرانسی آرتیدن کابینه ایکی ویا تورت هفته آره سیده تشکیل ایتلیب پارلمان گه تنشتیریلشینی وعده بیرگن ایدی، بو وعده تولمسدن آلدین کابینه ته نشتیریلیشینی افغانستان خلقی گه وعده بیره من، بیرینچی دن امنیتی بولیم لرده مسوولیتی بولگن شخصلر ته نیشتیریلیب ایشگه باشله شی ممکن، وقالگنی بیردملیک بیلن پارلمان گه ته نشتیریله دی."

عبدالله جنابلری کابینه خصوصیده چوقور بحث لرآلیب باریلگنینی تاکیدلب کابینه نینگ به وقت تنشتیریلمه گنی گه سبب بولگنینی ایتگن.

عین حالده، اوزی و جمهور رییس غنی مردم اوچون قطار وعده لرنی بیرگنینی تیلگه آلیب، عملی قیلیش اوچون ایش قیله دیگن بیر کابینه تشکیل ایتیلیشگه امید بیلدیرگن. جناب عبدالله ملی بیردملیک حکومتی تشکیل ایتیلیشی بیلن امنیت یمانلشگن دیگن سوزلرنی رد ایتدی.

ملی بیردملیک حکومتی تشکیل ایتیلیشی بیلن جمهور رییس محمد اشرف غنی 45 کون دن سونگ، کابینه تشکیل ایتیلیشینی وعده بیرگندی، غنی جنابلری نینگ بو عده سی عملی بولمه ی پارلمان نینگ تنقیدی بیلن دوچ کیلدی.

افغانستان اولوسی جرگه سی بوندن آلدین سرپرست صفتیده فعالیت آلیب باره یاتگن وزیرلر ایشلرینی غیر قانونی اعلان قیلدی. بونینگ آرتیدن افغانستان جمهور رییسی وقتینچه لیک وزیرلر اورنیده هر بیر وزیرلیک ویا مستقل رییسلیک اورین باسرلری وقتینچه لیک فعالیت آلیب باریشگه فرمان بیردی.