افغانستان جنوبیده گی کابل بانک شعبه سیگه قوراللی لرهجوم قیلیشگن

Image copyright BBC World Service

افغانستان جنوبیده گی هلمند ولایتی ده انتحارچی بیرنفراوز بدنیگه جایلشتیرگن پارتلاوچی ماده نی بیربانک یقینیده پارتله تیب یوباردی.

هلمند ولایتی نینگ پلیس قوماندانی سوزچیسی فرید احمد بی بی سی گه ایتیشیچه هجومچی شخص بیرینچی دن اوزینی کابل بانک بناسی نینگ قاشیده اوزینی پارتله تیب وهجومچی لردن بیرنیچیته سی بوبانک ایچکریسی گه باسدیریب کیرگن.

حاضرگچه هجوملرقنچه کیشی بولگنی وبوواقعه تلفات رقمی انیق نیچه نفربولگنی باره سیده گی تفصیلات قولده ایمس، اما پارتلش روی بیره یاتگن پیتده بیرقطاردولت خادملری، اوقیتووچیلر ویشاوچیلرآیلیکلرینی آلیش اوچون بانککه مراجعه قیلگن لرینی باره سیده گزارشلرچیققن

محلی رسانه بو واقعه ده 6نفراولیب و7کیشی هم تن جراحتی آلگنی نی خبرقیلگن.

محلی مسووللرگه کوره افغان امنیتی کوچلری واقعه محلیگه ییتیب بارگن وپارتلش یوزبیرگن جای اطرافی اوره ب آلینگن. هجومچی لربیلن خوف سیزلیک کوچلری اورته سیده اوروش دوام ایتماقده.

میلادی 2011ییل هجومچی لرافغانستان شرقیده گی کابل بانک نماینده لیگی گه هجوم قیلیب، بوهجوم نتیجه سیده کمیده 40کیشی هلاک بولیب و70دن آرتیق نفرهم یره لنگندی.

افغانستان جنوبیده جایلشگن هلمند ولایتی ناتینچ ولایت لردن بیرحسابلنه دی، خارجی لراوز کوچلرینی آلیب چیقیش عرفه سیده مملکت بویلب ناتینچلیک لر آشیب بارماقده ودولت مخالف لری اوز هجوملرینی پایتخت کابل وقطارشهرلرگه شدت لشتیرماقده لر.