جوزجانده طالبان هجومیده یتتی محلی پلیس هلاک بولگن

محلی مقاملرگه کوره، اوتگن کیچه اونلب قوراللی طالب جوزجان ولایتی نینگ قوش تپه تومنیده گی محلی پلیس کوچلری پوسته لریگه هجوم قیلیشگن نتیجه ده، یتتی پلیس هلاک وبیش پلیس یره لنگن.

جوزجان ولایتی نینگ پلیس قوماندانلیگی سوزلاوچیسی احمد فرید عزیزی بی بی سی بیلن بولگن صحبتیده طالبان هجومیده یتتی محلی پلیس هلاک وبیش پلیس هم یره لنگنینی ایتدی.

شونینگ دیک او، پلیس و هجومچیلر اره سیده تورت ساعت توقنه شوو دوام ایتگنینی تاکیدلب طالبان تلفاتی باره سیده هیچ نرسه دیمه دی.

عینی حالده عزیزی جنابلری ایککی امنیتی پوسته طالبان تامانیدن اوت بیریلگنینی تیلگه آلدی.

طالبان عصیانچیلری بو هجومده، بیر قوراللی طالب هلاک بولگنینی تن آلیب، سککیز محلی پلیس قربان بولگنینی ادعا قیلگن.

قوش تپه تومنی جوزجان مرکزیدن 45 کیلومتر اوزاق لیکده جایلشگن بولیب طالبان عصیانچیلری انچه فعال بولگنی ایتیله دی.

بوندن الدین هم بو تومنده طالبان و افغان امنیتی کوچلری اره سیده نیچه مرته توقنه شوولر یوزبیرگنی خبرقیلینگن ایدی.