"کنرده افغان امنیتی کوچلرعملیاتی موفقیت لی بولمه گن"

کنرولایت حاکمی سرپرستی شجاع الملک جلاله گه کوره بومملکت امنیتی کوچلری اوتگن نیچه کونده طالباننی دانگام تومنی اطرافیده گی قیشلاق لردن آرتگه چیکینتیره آلمه گنلر.

محلی رسمی لرنینگ ایتیشیچه بوولایت نینگ دانگام اولوسوالیگی اطرافیده گی قیشلاق لرگه یوزلب قوراللی عصیانچی هجوم قیلیب وبومنطقه اهالی سی بیلن توقنشگنلر.

جلاله جنابلری گه کوره بوگون کنرقوم باشلیغلری بیلن بیر خبری ییغینده بوقیشلاق لرنینگ اکثریسیده مدافعه قیله دیگن قیشلاق یشاوچیلر عصیانچی لربیلن توختب اوروشه آلمی آرتگه چیکینگنلر، اما گودک لروخاتین لرمنطقه ده قالگن.

او شونینگ دیک افغانستان خوف سیزلیک کوچلریدن تنقیدقیلیب نیچه کون آلدین بوکوچلرایریم منطقه لرنی طالبان نظارتی دن تازه له گنی باره سیده نشر ایتیلگن خبرلرحقیقتی بولمه گنی نی ایتدی.

کنرولایتیده گی بی بی سی خبرنگاری بو ولایت قوم باشلیغ لری اوتگن بیرهفته ده دولت وامنیتی کوچلرقیلمیش لرینی قتیق تنقیدله گن لرینی معلوم قیله دی.

بی بی سی خبرنگاری نعمت الله کریاب نینگ خبربیریشیچه طالبان هجومی نینگ آلدینی آلیش اوچون دولت تاماندن بو ولایت گه سفربر ایتیلگن کوچلردانگام تومنی گه ییتیب بارگن، اما حاضرگچه اوروش محلی گه اوزلرینی ییتکزه آلمه گن لر.

اونینگ ایتیشیچه قورالی عصیانچی لربومنطقه اطرافی ده ماین جایلشتیرگن.

بو ولایت نینگ قوم باشلیغ لری گه کوره سالنگی جنابلری سفری جنگ وضعیتی نی کوزگه کوزینرلی اوزگرتیره آلمه گن.

عین حالده ایچکی ایشلروزیرلیگی سرپرستی سالنگی جنابلری اوتگن کونی دانگام تومنی گه باریب افغان کوچلریگه کوچلری باریچه جنگری لربیلن اوچره شیش لری باره سیده بویروغ بیردی.

دولت رسمی لری طالبان گروهی نیچه قیشلاقده گی اهالی اویی گه اوت قویگنی نی تصدیقلشگن.

حاضرگچه ایکی تامان تلفات لری باره سیده انیق گزارش بیریلمه گن.