کیله سی ییل بودجه لایحه سی پارلمان و مدنی جماعه قوریلمه لرنینگ تنقدی بیلن دوچ کیلدی

Image copyright MoF

بوگون افغانستان مالی ییلی باشلنرایکن، لیکن حاضرگه قدرهم هجری قویاش 1394- ییل ملی بودجه سی پارلمان تامانیدن تصدیق لنمه گن. بو ایسه مدنی جماعه قوریمله لری نینگ تشویش لریگه سبب بولگن.

اولر بو دجه نی کتته کمچلیک لر بیلن بیرگه ایکن لیگینی اورغولب، اولوسی جرگه تامانیدن به وقت مباحثه ایتیلیب تصدیق لنمه گنینی قاره لیدی. اما ایریم ملت وکیللری بودجه نینگ تیزآره ده تصدیق لنمه گنی خلق حیاتیگه منفی تاثیر قویمه ییشی ممکن لیگینی ایته دی. هجری قویاش 1394 – ییل ملی بودجه سی حاضری گونده پارلمان و ایریم مدنی جماعه قوریلمه لری نینگ قیزیق بحث لریگه سبب بولیب کیلماقده، چونکی ینگی مالی ییل باشله نیشی بیلن بودجه هلی هم پارلمان تمانیدن تصدیق لنمه گن. شفافیت بویچه کوزه تووچی تشکیلات بوگون کابلده مطبوعات انجمنی یولگه قوییب ملی بودجه حقیده گی خواطیرینی اظهارایتدی. اوشبو اداره مسوولی محمد اکرم افضلی:" اگر بودجه به وقت تصدیقلنمسه، طبیعی دیرکه ینگی پلانلریمیزنینگ ینگی بودجه اساسیده تولیق شکلده تطبیق قیلیشگه قارد بولمیمیز اوزمانده ینه بیر ای پلان لرنی الدینکی بودجه گه ماس عملی قیلیشگه مجبور میز بو کوپ قینچلیک لرنی آلیب کیله دی ."

افغانستان شفافیت بویچه کوزه تیش تشکیلاتی 1394 – ییل ملی بودجه سیده مردم نینگ اساسی احتیاج مندلیک لری نظرده توتیمه گنینی ایته دی ، بو تشکیلات مسووللریگه کوره، بودجه ترتیبی خصوصیده مردم نظری هم اورگه نیلمه گن.

شونینگ دیک بو تشکیلات بودجه نی تینگ سیز اتب کوپ قسمی امنیتی سکتورگه اجره تیلگنینی قتیق قاره لب چیقدی. همده ، شفافیت بویچه کوزه تیش تشیکیلات مسوولی بودجه نینگ فقط اون فایزی آست قورمه برنامه لری اوچون نظرده توتیلگنینی تاکیدله دی.

عینی حالده، افضلی جنابلری اجمتاعی مصونیت و کمبغلیکنی کمیتیریش اوچون هم اوته از بودجه اجره تیلگنینی تیلگه آلدی. اما افغانستان مالیه وزیرلیگی سوزچیسی عبدالقادر جیلانی بو کبی تنقیدلردن ایریملرینی رد ایتیب بودجه مردم احتیاج مندلیک لری اساسیده تیارلنگنینی تاکیدلیدی. همده او افغانستان مالیه وزیرلیگی بودجه نی به وقت اولوسی جرگه گه یوباریلگنینی اورغولیدی:" بودجه نی بیز وقت زمانیده یعنی ییل نینگ توگه شیدن 45 کون الدین پارلمانگه یوباره میز، بیز عقرب ای نینگ 14- سیده یوباردیک، کچیکتیریلیش مسوولیتی نی هرکیم ذمه سیگه آلیش کیرک اینیقسه اولوسی جرگه و مشرانو جرگه دیدی مالیه وزیرلیگی سوزچیسی."

-1394 ییل ملی بودجه سی 559 میلیارد افغانی و سککیز میلیارد امریکا لیک دالرگه تینگ.

275 میلیارد افغانی عادی بودجه و 183 میلیارد افغانی هم کینگیتیریش بولیمی گه اجره تیلگن. کیله جک ییل بودجه سی جاری ییل بودجه سیگه قره گنده یتتی فایز کوپیتیریلگن . 1394 – ییل ملی بودجه لایحه سیده، امنیتی کوچلرنی جهازلنتیریش والکترونیکی تذکره ترقه تیش موضوعی بیرینچی اورینده قرار تاپگن.