افغانستان دولتی: پاکستان 2015ییل نینگ اخیریگچه افغان مهاجرلرینی چیقره آلمه دی

پاکستانده گی افغان مهاجرلرینی چیقریش موضوعی هم افغانستان حکومتی وهم بومملکتده گی افغان مهاجرلرینی تشویشلریگه سبب بولگن. افغانستان حکومتی گه کوره کته سانده مهاجلرنی افغانستانگه قه یتیشی حکومتنی آغیراحوالگه ساله دی. یقینده خیبرپشتون خواه حکومتی افغان مهاجرلرینی کیلگوسی بیر آی مدتیده بومملکت نی ترک ایتیشی باره سیده قرارآلگندی. پیشاورده گی مکتبگه هجوم قیلینیب نتیجه ده 140 نفر اولیب و150دن آرتیق کیشی تن جراحتی آلگنی آرتیدن افغان مهاجرلرینی چیقریش باره سیده خبرلرنشرایتیلماقده. خیبرپشتونخواه حکومتی عملگه آشگن بوهجوم دن کیین جلسه تشکیل بیریب بوایالتده گی برچه افغان لرکیلگوسی بیرآیده ترک ایتیشی باره سیده قرارآلیشدی. خیبرپشتونخواه استخبارات وزیری مشتاق احمد غنی بوجلسه ده افغانستانده تینچ فضاده سیلاوبولیب اوتگن تقدیرده افغانستان وطنداشلری مملکت لریگه قیتیش لرینی تیلگه آلگندی. بوندن کیین بوایالتده گی اقتدارده بولگن تحریک انصاف حزبی رهبری عمران ایالت حکومتی قرارینی خوش قرشی لب قانونی رخصت نامه سی بولمه گن افغان لر بوییرنی ترک ایتیشلرینی تاکیدله دی. هجومدن کیین پاکستان لوی درستیزی افغانستانگه سفرقیلیب بومملکت طالبان رهبری ملا فضل الله افغانستانده بولگنی نی ادعا قیلیب پاکستانگه تاپشیرییلشینی سوره گندی. هرچند بومکتبگه بولگن هجومده هیچ بیر افغان قولی بولگنی اثبات ایتیلمه دی بیراق مهاجرلرنی چیقریش موضوعی کون نینگ مهم موضوعی گه ایلنگن. افغانستان حکومتی میلادی 2015 ییلگچه پاکستان قاچقین لرباره سیده گی ایریشیلگن اوچ تامانلمه شرطنامه نی آیاغ آستی قیله آلمسلیگی نی ایته دی، بیراق بوخبرلرچیقیشیدن اوز تشویشینی اظهار ایته دی. بوخبرلرچیقیشی ایسه کوپلب پاکستانده گی افغان مهاجلرینی تشویشلنتیریب یوبارگن. بومملکتده گی افغان مهاجرلریدن بیری اولرنی چیقریش اوچون پاکستان دولتی بوقرارنی آلمسلیگی طلب قیله دی. مهاجرلردن ینه بیری افغانستانگه قه یتیشلریگه شرایط مهیا ایمسلیگی نی ایته دی. حالبوکی افغانستان تشقی ایشلر وزیرلیگی گه کوره بووزیرلیککه پاکستان تاماندن بوباره هلی گچه هیچ قنده ی رسمی خط ییتیب کیلمه گن. افغانستان مهاجرلروزیرلیگی معلوماتی اساسیده حاضرگی کونده پاکستانده 2میلیون آلیتی یوزمینگ افغان مهاجرلری حیات کیچیره دی. بوندن بیرمیلیون ناقانونی روشده مذکور مملکتده استقامت قیلیشه دی. بو2میلیون آلیتی مینگ افغان دن بیرمیلیون خیبرپشتونخواه ده حیات کیچیرماقده . ایریم لرنینگ فکریچه پاکستان ایریم حالت لرده افغان مهاجلریدن افغانستان حکومتی گه قرشی باسیم صفتیده فایده لنه دی.