خلق اراکوچلرنینگ افغانستانده گی حربی ماموریتی یکونلندی

Image copyright AFP
Image caption جنرال جان کمپ بیل اوروش ماموریتی نی رسمن خلق ارا کوچلردن افغان امنیتی کوچلریگه تاپشیردی

خلق را کوچلرنینگ حربی ماموریتی نهایه تاپیشی مناسبت بیلن بوگون پایتخت کابلده اویوشتیریلگن مراسمده افغانستانده فعالیت آلیب باره یاتگن خارجی کوچلر قوماندانی ژنرال کمپ بیل افغان و خارجی کوچلر فداکارلیک لرینی آلقیش له دی.

اما او، کیله جک ماموریت هم معمالی بولیشینی اورغولب؛ بیراق اولر موفقیت گه ایریشیشی ممکن لیگینی تاکیدله دی.

ناتو نینگ ینگی ماموریتی اوچ کوندن سونگ میلادی 2015 ییل نینگ بیرینچی کونیده رسمن باشلنه دی.

بو مراسم میلادی 2015 ییل جنوری آی نینگ بیرینچی سید یعینی اوچ کوندن سونگ یولگه قوییلیشی ریجه لشتیریلگن ایدی، اما بوگون اوتکزیلدی.

اوشبو مراسمده سوز یوریتگن خارجی کوچلر نینگ عمومی قوماندانی ژنرال کمپ بیل ینگی ماموریت نی ینگی فصل اته دی. شونینگ دیک ژنرال کمپ بیل افغان امنیتی کوچلری بیلن همکارلیک لر دوام ایتیشی تاکیدلب کیله جک ماموریت معمالر بیلن بیرگه بولیشنی اورغوله دی:"" جمهوررییس غنی طلبی گه حرمت بیلدیریب قوراللرینی ییرگه قوییب صلح جریانیگه قوشیلسینلر، شوبیلن افغانستان قیته قوریش جریانی گه کمک قیلسینلر ناتو وافغانستان اره سیده گی همکارلیک لر ینگی مرحله سی باشلنه دی. افغان و ناتو کوچلری نینگ قوشمه ماموریتی بیزنینگ ناکام بولمسلیگیمیزگه سبب بوله دی. بیرگه لیککه ایش آلیب باریب پیروز بولی لیک اوتگن اون اوچ ییلده بیز افغان کوچلری یانیده اوروشیب قان توکتدیک، ینگی ماموریت ده هم بیز اولر بیلن بیرگه میز اونگیمیزده تورگن ماموریت هم اوته معمالی اما بیز غالب بوله میز."

همده بو جنرال اوتگن قره کونلرگه قیتیش ناممکن لیگینی اورغوله دی.

عینی حالده افغانستان ملی امنیت مصلحت چیسی محمد حنیف اتمر چیت ایللیک لرفداکارلیگینی القیش لب، افغانستان قوشمه فعالیت گه تعهدلی ایکن لیگینی تیلگه آلدی.

میلادی 2014 ییل سونگیده چیت ایللیک کوچلرنینگ افغانستان ده گی حربی ماموریتی یکون تاپه دی.

کیلشوو اساسیده قریب اون بیش مینگ امریکالیک و چیت ایللیک عسکر افغانستانده قالیشی ممکن، اکثریتی امریکا لیک کوچلردن عبارت بولیب فعالیتلری هم افغان امنیتی کوچلری نینگ مشق و تیارگرلیک لردن اوتکزیش او اولرنی حمایه ایتیش مساله سیگه قره تیلیشی ممکن.

اوتگن اون اوچ ییلده چیت ایللیک کوچلر حربی ماموریتی جریانیده قریب اوچ یریم مینگ عسکرینی افغانستان ده قولدن بیردی. بولردن اکثریتی امریکالیک عسکرلر بولگن.