اوزبیک طعاملری عمومی لشیب باره یپتی

افغانستان بویلب اینیقسه شمالی ولایتلریده اوزبیکلر گه عاید تورلی طعاملر عمومی له شیب بارماقده، کوپچیلیک بوطعاملر بیلن مهمان همده توی تماشالرینی ارادقلب کوتیب آلیشگه اولگوره دیلر.

بوگونگی شرایطده بوطعاملردن اوزبیک خلقی دن ایری، تاجیکلر، حتی که پشتونلرهم تیارلشه دیلر.

مزارشریفده تاجیک لردن بیری بولگن لطیفه اسملی بوعیال اوزبیک قوشنیلریدن بوملت گه عاید تورلی طعاملرنی اورگه نیب تیارلشیدن سوزیوریته دی.

«بیراوزبیک قوشنی میزبار اولرهردایم اوزلری نینگ تورلی طعاملریدن پیشیریشه دی. مین هم بولرنی اوقت لرینی اورگنیشنی یاقتیره ررایدیم، مثلااولردن بولگن قابلی پالاولری که اونی همه لرپیشیره دی وجوده مشهور. بوندن باشقه تورلی طعاملرنی تیارلشردیلرمین هم اولردن اورگنیشنی ایسته دیم. مثلا تندورمنتونی اورگندیم هم اوزیمگه وهم مهمان کیلسه شوطعامدن تیارله یمن. نه فقط تاجیک لربوطعاملردن تیارلشه دی، حتی پشتونلرهم اوزبیکلرنینگ طعاملرینی یاقتیریشه دیلرواورگنگلر.اوزبیکی طعاملراسته سیکین باشقه قوملرآره سیده هم رواجلنیب بارماقده» دییدی بوعیال.

Image caption لطیفه اسملی بوعیال اوزبیک قوشنیلریدن بوملت گه عاید تورلی طعاملرنی اورگه نیب تیارلشیدن سوزیوریته دی.

بواوزبیک طعاملری مملکت نینگ باشقه ملتلری آره سیده اوز اورنینی تاپرایکن، حتی شهرده هم اوزبیک لرنینگ کنجد ویاهم زغرپالاوی گه مشهوربولگن رستورانت لرنینگ سانی هم کوپیگن. آشپزشیرمحمد نینگ ایتیشیچه، بوکسب اونگه آته سیدن قالگن بولیب، اوتیزییلدن بویان شوکسب بیلن ایشلب کیلماقده. او رستورانتی ده فقط گینه پالاو پیشیریشه دی وخلاص. اونگه کوره، مجازلرنینگ سانی قنچه لیگینی اوزلریگه قوییب، اوزصفتی نی اوزی قیلیشینی ایستمه دی.

Image caption . آشپزشیرمحمد نینگ ایتیشیچه، بوکسب اونگه آته سیدن قالگن بولیب، اوتیزییلدن بویان شوکسب بیلن ایشلب کیلماقده.

اوشبو رستورانت دن زغر پالاو طعامینی صرف ایتیش مقصد ده کیلگن مجازلردن بیری خیرمحمد سلجوقی، شیرمحمداکه نینگ پالاوی حقیده تورلی فکرلرنی بیلدیره دی. «افغانستانده اوزبیک پالاوی جمله دن کنجد، زغر پالاوی جوده مشهور. بیرییلدن بیری شیرمحمد اکه نینگ کنجد وزغر پالاوی نینگ مجازی میز کیلیب توره میز پالاولری ماشاالله جوده یخشی، اوزلری هم همه نی خوش کوتیب آله دیلر. مجازلرسانی هم جوده کوپ، کونیده یوز دن آرتیق مجازلری بار.

ایندی بونده ی طعاملرنی ایلدیزدن قره گنده قنچه لیک اوزبیک لرخلقی گه یقین توروشی مقصدیده، فولکلورشناس صالح محمد حساس دن سوره دیم. حساس جنابلریگه کوره، اوزبیک لرده خمیردن تیارلنه دیگن قیرق گه یقین طعام لرموجود. جمله دن آش طعامی تورلی شکلده تیارلنیب، باشقه ملتلرآره سیده هم اوزاورنینی ایگللب بارماقده. شونگه اوخشش، نامیدن پیدابولگن پالاوهم اوزبیک خلقی نینگ مشهورطعاملریدن بیری حسابلنه دی.

اوزبیک ملی طعاملری دنیا طعاملری آره سیده اینگ شیرین، خیلمه – خیل طعاملردن دیر. افغانستان مدنیتیده مهمان دستورخانیگه تورلی شیرین لیک، مربا قوییش، شیرین طعاملرتیارلب آلیب کیلیش عادتگه ایلنگن. افغانستان اوزبیکلری آره سیده هم بوعادتلر جوده رواجلنگن بولیب، توی وتورلی مراسم لرده هم دستورخان زینتی اوچون اوزبیک طعاملریدن تیارله یدیلر. اوزبیک ملی طعاملریدن جوده کوپچیلیگی شرقده هم، غربده هم مشهورلیگینی اینابتگه آلیب، بونده ی طعاملراوز اورنینی تاپگن دیسک مبالغه بولمسه کیره ک.