" ناتو نینگ افغانستانده گی مقصدلی قاتیللیکلری باره سیده تدقیقات اوتکزیلسین"

Image copyright AP

آلمان دولتی نینگ مخالف وکیللری، بو مملکت حربیلری و تشقی استخبارات اداره سی افغانستانده طالبان نینگ مهم اعضالرینی نشانگه آلیش" مقصدلی قاتیللیک لری" بویچه ناتو بیلن همکارلیک قیلگن دیگن حسابات خصوصیده تدقیقات اوتکزیلیشینی طلب قیلگن.

اشپیگل ناملی المانلیک گزیته ده ناتو نینگ مخفی حجتی اساسیده نشر ایتیلگن بیر گزارش ده، طالبان اعضالرینی نشانه آلیش رویخطی گه کیریتگن مملکت لردن بیری ایکنی معلوم قیلینگن.

آسوشیتد پرس خبر آژانسی گه کوره، المان وکیللریدن یان ون آکن بو باره ده " تولیق تحقیق" آلیب باریلیشی کیرک لیگینی ایتگن.

شونینگدیک اوبوحقده شوندی دیگن:" المان قوشینی و خارجی استخبارات اختیاریده گی معلوماتدن مخصوص شخصلر اولدیریلیشی اوچون فایده له نیلگنمی یاکی یوق بو اچیق له نیشی کیرک."

وکیللردن باشقه بیر اگنیسکا بروگر بومساله تیزآرده معلوم قیلینیشی ضرور لیگینی اروغوله گن.

آلمان حربیلری نینگ سوزلاوچیلریدن سرهنگ مارکوس بومملکت حربیلری معلوماتی اساسیده مذکور رویخط تیارلنگنینی تصدیق له گن و بوندن مقصد هم ایریم شخص لر توتقینگه آلینیشی اوچون اسملری بو رویخط گه کیریتیلگنینی ایتگن.

همده او، آسوشیتد پرس گه شوندی دیگن:" آلمان حربیلری ذمه سیگه بولگن هربیر حربی عملیات رویخط ده گی شخص لر قولگه آلینیشی نظرده توتیلگن ایدی."

اسوشیتد پرس نینگ یازیشیچه ، المان دولتی نینگ امنیتی مقاملریدن بیری بو مملکت تشقی استخبارات تشکیلاتی افغانستان خصوصیده گی معلومات لرنی " دوست" استخباراتی تشکیلات اختیاریده قوییگنینی ایتگن. اما بو معلومات لردن شخصلرنی قیناق لش اعدام حکمینی صادر ایتیش باره سیده فایده له نیلسملیگینی اورغوله گن.

اوتگن کون ناتو کوچلری نینگ افغانستانده گی 13 ییللیک حربی ماموریتی یکون تاپدی.

اشپیگل گزیته سی " اوباما رویخطی" آتی بیلن نشر ایتگن حساباتیده افغانستانده گی شبهه لی ریجه لنگن قتللرباره سیده گی سرلی حجت گه قول تاپگنینی ادعا قیلگن.

حساباتده یازیلیشیچه، امریکالیک لر بریتانیا لیک کوچلر وباشقه اتفاق داشلری بی ملال قتل مقصد لرینی تعین لش گه اختیارلی ایکنلر.

بو گزیته گه کوره بو حجت لرنینگ ایریم لری امریکا نینگ ملی امنیت اداره سی نینگ سابق خادمی ادوارد سنودن تامانیدن فاش ایتیلگن حجت لر اره سیده بولگن. مخفی حجت ده ناتو افغانستانده فقط طالبان اعضالرینی نشانگه آلمیدی بلکه ایریم شخصلر اسملری اینیقسه مخدرماده قاچاقچیلری آتلری هم بو رویخط گه کیرتیلگن.

شونینگ دیک اشپیگل گزیته سی ده یازیلیشیچه ینگی حجت لرنینگ کورسه تیشیچه، ناتو کوچلری ایریم حالت لرده ناتو کوچلریگه قرشی هجوم اویوشتیریشگه عیبلنگن ویا طالبان صفیگه قوشیلیشگه گمان ایتیلگن افغان عسکرلری هم نشانگه آلینیشی روی خطیگه کیریتیلگن.

اشپیگل گزیته سی نینگ یازیشیچه، ایریم شخص لر باره سیده معلومات آلیش اوچون اسم لری بو رویخط گه کیریتیلگن. جمله دن بلخ حاکمی عطا محمد نور اسمی هم میلادی 2010 ییلده بو رویخط گه کیریتیلگن.