ارزگان ده تورت ساغلیق خادمی اوغیرلنگن

ارزگان ولایت نینگ رسمیلری، ساغلیق ورواجلنتیریش بویچه خذمت کورستیب کیله یاتگن بیر نادولت تشکیلات نینگ تورت ساغلیق ایشچیسی قوراللی طالبان تامانیدن اوغیرلنگنینی ایتگن.

محلی مقاملرنینگ ایتیشلریچه، بو تورت کیشی اوشبو ولایت نینگ خاص ارزگان تومنی گه قره ب کیته یاتگن بیرپیت یولده قوراللی لر تامانیدن اوغیرلنگن.

ارزگان ولایتی نینگ اداری سوزلاوچیسی دوست محمد نایاب گه کوره، اوغیرلنگن لردن اوچ کیشی سی شفاکار وباشقه بیری هم موتر هیداوچیسی بولگن.

نایاب جنابلری شونینگ دیک بو ساغلیق خادملری امنیتی اداره لرنی خبرقیلمسدن بومینطقه گه سفر قیلگنینی ایتدی.

" افغانستان ساغلیق ورواجلنتیریش بوییچه خذمت کورسه تیش " ناملی نادولت تشکیلات افغانستان نینگ ناتینچ مینطقه لریده فعالیت آلیب باره دی، حتی طالبان عصیانچیلری فعال بولگن محللرگه هم بو موسسه ایشچیلری سفر قیلرایکن.

حاضرگه قدرهم طالبان قوراللی بوباره ده هیچ نرسه ایتمه گن.