ینگی سناتورلر حاضرگه قدرهم ایشلری باشلنمه گنیدن شکایت قیلیشگن

Image copyright parliament.af

افغانستان نینگ اوتیز تورت ولایتی دن اوتیز تورت سناتور نینگ اعتبار نامه قولگه کیرتیشلریدن بیرآی دن کوپ وقت اوتماقده ، اما اولر حاضرگه قدرهم اولر رسمن ایشگه باشلمه گنلر.بوایسه ینگی سناتور لرنینگ شکایت لریگه سبب بولگن. افغانستان نینگ اوتیز تورت ولایتیده ولایت کینگاش وکیللری اره سیده بولیب اوتگن سیلاولر نتیجه سیده، هربیر ولایت دن بیر وکیل سناتور صفتیده سلندی. سیلنگن 34 سناتور بیرآی آلدین کابلگه کیلگن، لیکن اولر حاضرگه قدرهم رسمی شکلده وظیفه لرینی باشله مه گن لر، شوندی بولسه هم هرکونی اولر سنامجلسی گه باریب کیله یاتگن لیک لرینی ایته دی. فاریاب ولایت نینگ ینگی سناتورلریدن داکتر گل محمد رسولی بی بی سی بیلن بولگن صحبتیده جاری وضعیت دن باره سیده شکایت بیلدیریب حاضرگه قدرهم نیمه قیلیشلری معلوم ایمس لیگینی تاکیدله دی:" بیز سنا مجلسی گه باریب کیله میز لیکن ایشیمیز معلوم ایمس، بیز قوس آی نینگ توقیزینچیسیده اعبتارنامه نی قولگه کیرتدیک اوشه پیت ایشنی رسمن باشله شیمیز کیرک ایدی، اما حاضرهم نیمه قیلیشیمیزنی بیلمی توریب میز." شونینگدیک بو سناتور نینگ ایتیشیچه جمهوررییس غنی تحلیف مراسمینی اوزی اوتکزیشی نی ایتگن، باشقه تاماندن سنا مجلسی باشلیغی وقتی تولگنی باعث یوزه گه چیققن قینچلیک لرهم ایشلرینی کینگه قالیشی گه سبب بولگنینی ایته دی. اما افغانستان سنامجلسی نینگ منشی سی سیدعزیزالله الفتی ، ایش مدتی توگه گن سناتورلر و سنا مجلس نینگ باشقه اعضالری ینگی سناتورلر اوچون هیچ قندی توسیق یرتمه گنینی ایتیب اصلی عامل نیمه بولگنینی شوندی اچیق لیدی:"افغانستان جمهوررییسی بیر مکتوب یوللب تحلیف مراسیمی نی اوزیم اوتکزه من دیب ایتگن، بیز جمهوررییس کیلیشینی کوتیب توریب میز، باشقه هیچ قندی قیینچلیک یوق، اولر کیله جک هفته لرده ایشلریگه باشلشلری ممکن." باشقه تاماندن الفتی جنابلری ینگی سناتور لر نینگ انیق قیسی تاریخده ایش باشله شی باره سیده قانونده هیچ نرسه ایتیلمه گنینی تاکیدله دی. افغانستان پارلمان اعضالری قیش تعطیلاتیده چیقیشگه ییگیرمه کون قالگن، اولرنینگ تعطیلاتی بیریریم آی دوام تارته دی. شوباعث ایریم ینگی سناتور لر مجلس ایشلریگه بلد بولمس دن تعطیل گه چیقییشگه مجبور ایکن لیک لرینی ایته دی.