قندوزده یوزبیرگن توقنه شووده یتتی کیشی هلاک بولگن

Image copyright

محلی مقاملرگه کوره، قندوز ولایتی نینگ امام صاحب تومنیده طالبان و پلیس کوچلری آره سیده یوزبیرگن توقنه شووده نتیجه سیده ایککی پلیس ضابطی داخل یتتی کیشی هلاک بولگن.

امام صاحب اولسواللیگی نینگ پلیس باشلیغی امان الله ابراهیمی نینگ ایتیشیچه اوتگن کیچه طالبان قوراللی لری ایککی پلیس ضابطی گه هجوم قیلگنیدن سونگ اوروش باشلنگن.

اونگه کوره، بو توقنه شووده ایککی پلیس ضابطی بیر تینچ اهالی و تورت قوراللی طالب هلاک بولگن. طالبان گروهی ایکی پلیس ضابطی هلاک ایتیلگنینی ایتیب طالبان تلفاتی باره سیده هیچ نرسه دیمه گن.

قندوز ولایتی نینگ پلیس قوماندانی ژنرال عبدالصبور نصرتی اوتگن کون هم ، عینی منطقه ده طالبان و پلیس کوچلری اره سیده توقنه شوو روی بیرگنینی ایتگن ایدی.

اونینگ ایتیشیچه بو توقنه شووده، اوچ عصیانچی هلاک و باشقه ایککی عصیانچی هم قولگه آلینگن. قندوز افغانستان نینگ ناتینچ ولایت لریدن بیری و ایریم حدودلریده طالبان عصیانچیلری فعال.