هرات ده زعفران محصولاتی 25 فایز کمیگن

زعفران ایشلب چیقه ریش بیرلشمه سی نینگ رییسی بشیر احمد رشیدی نینگ اعلام قیلیشیچه، زغفران ایکمی گه قره گنده، زعفران محصولاتی اوتگن ییلگه کوره، 25 فایز کمیگن.

اونینگ ایتیشیچه، اوتگن ییل هرات ولایتیده 650 هکتار ییرگه زعفران ایکیلیب، دهقان لرایسه قریب اوچ تن زعفران محصولاتی آلگن ایکن. بو ییل ایسه 850 هکتار ییرگه زعفران ایکیلگن، اما محصولات میزانی اوتگن ییلگه قره گنده کوپیمه گن.

هرات ولایتی نینگ زغفران بیرلشمه سی رییس اوتگن ییل حوت آییده یوزبیرگن ساووق زغفران محصولاتی کمه یشیگه سبب بولگنینی ایتگن.

رشیدی جنابلری گه کوره، زغفران محصولاتی بوییل هم قریب اوچ تن بولیشی ممکن، اما 4 و یا 4.5 تن گه کوتاریلیشی تخمین ایتیلگن ایکن.

هرات ولایتی نینگ اکثری ولایت لریده زغفران ایکیله دی، بی بی سی نینگ هرات ده گی خبرنگاری محمد قاضی زاده نینگ ایتیشیچه، بیرکیلوزعفران سکسن – توقسن مینگ افغانی ساتیله دی. اما دنیا بازارلریده بیر کیلو زغفران 2000 دالر ساتیله یاتگنی ایتیله دی.