هلمنده گی اعتراضلی ییغین یکون تاپگن

افغانستان جمهوررییسی محمد اشرف غنی هلمند ولایتیده اعتراضلی یغین اویوشتیرگن اهالیگه طلب لری انابتگه آلینیش وعده سینی بیرگن، بو وعده سونگ هلمند یشاوچیلری نینگ اعتراضلی یغینی هم نهایه تاپگن.

هلمند یشاوچیلری بوندن الدین سنگین تومنیده یوزبیرگن قانلی حادثه عامللری جزاله نیشی وبرچه تومنلرده تینچلیک براقرارله نیشینی طلب قیلیشگن ایدی. سنگین تومنیده توی مراسمی گه راکت اوقی کیلیب توشیشی نتیجه سیده کمیده ییگیرمه کیشی اولیب اونلب کیشی هم یره لندی. توی مراسمی اغیر قورال بیلن افغان اردو کوچلری تامانیدن بیلمسدن نشانگه آلینگنی تصدیق لنگن ایدی.

اعتراض چیلرنینگ ایتیشلریچه، جمهورریسی غنی توی مراسمینی راکت بیلن نشانگه آلگنلر قانونگه تاپشیریلیشی نی سوزبیرگن همده او، سنگین تومن امنیتی نی تامین لش اوچون هم جدی چاره کوریلیشینی تاکیدله گن.

سنگین تومن قوم باشلیغ لریدن بیری علیشاخان بوحقده شوندی دیدی:"هیات کیلگن ایدی بوکبی حالت قیته تکرار ایتیلمیدی دیب وعده بیردی، بیز هیات سوزلرینی قبول قیلدیک ، بیزهم دولت اعتبار بیرسین دیب اعتراض قیلگن ایدیک، هرکون قتل و ناقرارلیک عسکرلر جزالنتیریلسین، توپ آتیش مهارتینی بیلمسه لر نیگه توپ آته دیلر.اولر دشمن اورنیده مردمنی اولدیرمه سینلر ، جمهورریس برچه تومنلرده امنیت آلبیب کیله میز دیگن وعده سینی بیردی."

هلمند ولایتی نینگ محلی رسمیلری هم اعتراضچیلری طلب لرینی بجا بیلیب بو ولایت نینگ برچه تومنلری امنیتی تامین لش اوچون مرکزی حکومت جدی اعتبار قره تیشی کیرک لیگینی اورغولیدی. هلمند حاکمی محمد نعیم بلوچ بی بی سی بیلن بولگن صحبتیده ویدیو کنفرانس دن سونگ اعتراض یکون تاپگنینی ایته دی:"شهیدلر ویره لنگن لر یقینلرنینگ طلب لریگه اعتبار بیریلیشی وعده بیریلدی. بولمسه اعتراض یکون تاپسم ایدی، بو طلب لر ولایت نینگ اداری جلسه سیده اورته گه قوییلدی. اولر بیزنینگ طلبی میزشوکی عیبدار شخصلر قانون بویچه محاکمه ایتیلسین دیدیلر بوخصوصده تدقیقات ایشلری دوام ایتماقده، جمهورریس تامانیدن هم قضیه ایزلنه دی. "

قریب اون اوچ ییلدن بیری هلمند ولایتی اوروش مرکزیگه ایلنگن ولایت لردن بیری حسابلنه دی. بیردهه ده ایچیده بو ولایت یشاوچیلری اغیر جانی ومالی تلفات کوریب کیلگن. اما توی مراسمی راکت بیلن نشانگه الینیشی ارتیدن هملند لیک نیچه کونلیک اعتراضلی یغین اویوشتیردیب بوکبی حالت لر الدی آلینیشی حکومت دن طلب قیلدیلر.