بلخ دن بیش نفر کابلگه قدر پیاده یولگه توشگنلر

Image copyright bbc uzbek

بوگون بیش نفر سپورتچی ییگیت مزارشریف دن کابلگه قدر پیاده یولگه توشگنلر. اولر " بیز صلح ایسته یمیز" دیگن شعار بیلن چیقیب، صلح پیامینی کابلده افغانستان جمهور رییسی و اجرایه رییسلریگه ییتکزیش نی مقصد قیلیشگن.

بو بیش نفر بوگون ایرته مزارشریف دن کابلگه تمان پیاده حرکت قیلیشدی. اولر مملکتده داییمی تینچلیک تامینلنیشی و اوروش گه قرشی ایکنلیکلری شعاری بیلن یولگه توشیب، افغانستان جمهور رییسی و اجراییه ریسیگه بلخ ولایتی اهالی سی نینگ صلح ایستک پیامینی ییتکزی نی مقصد قیلیشگن.اولردن بیری بوحقده قیلگن سفری مقصدی باره سیده بونده ی دییدی:"بوگونی حرکتیمیزدن مقصد کابلگه قدر 5 یوز کیلومتر مسافه نی پیاده یوریب، دنیا مردمیگه افغانستان خلقی اینیقسه بلخ ولایتی اهالیسی صلح خواهله یاتگنینی ییتکزیش دیر. بیز هر بیر وطنداشیمیزنینگ صلح سایه سیده حیات کیچیریشینی خواهله یمیز".

صلح پیامی نی ییتکزیش نی مقصد قیلگن بو بیش نفر، 20 کون ایچیده کابلگه ییتیب باریشلرینی ایته دی.

بو شخصلر شونینگدیک، ولایت مه ولایت توختب، بلخ اهالیسی نینگ صلح حقیده گی پیاملرینی اولرگه ییتکزیب، کابلگه قدر پیاده باریش اوچون خوف موجود بولمه گنی نی ایتیشگن.

عین حالده، بلخ اهالیسی و بیرقطار ولایت کینگش اعضالری اولرنینگ بوتدبیرینی آلقیشلب، ایلک بار بلخ دن یاشلر کابلگه قدر پیاده باره یاتگنی نی تاکیدله گنلر. اولر پیاده کیته یاتگن شخصلرنینگ حرکتی نی مدنی و تینچلیککه طرفدار ایکنینی ایتیشگن.