کابینه نینگ نامزدوزیرلریدن بیری خلق ارا پلیس تعقیبی آستیده بولگن

Image copyright INTERPOL

افغانستان جمهور رئیسلیگی نینگ مطبوعات خذمتی اوتکزگن تیکشیروو اساسیده بومملکت نینگ تکلیف ایتیلگن نامزد وزیرلردن بیری نامی انترپل پلیسی تعقیبی آستیده گی رویخطده بولگن. افغانستان جمهور رئیسی تاماندن پیشنهاد ایتیلگن ایکینچیلیک وزیرلیگی نینگ نامزدی محمد یعقوب حیدری جنابلری بولگن. اینترپل گه کوره او میلادی 2003ییلده استونی آرقه لی مالیات دن قاچگن لیک سبب تعقیب آستیده بولگن لررویخطیگه کیرتیلگن. افغانستان جمهور رئیسی نینگ مطبوعات خذمت سوزچیسی حیدری جنابلری نینگ حقوقی مشکلی باره سیده معلومات لری بولمه گنینی معلوم قیلیب اما بوخصوصده تحقیقات باشلنگنی نی ایتگن. حیدری جنابلری اسمی انترپل رویخطی گه کیرگنی نی تصدیقلب اما سیاسی فتنه قربانی بولگنینی ایتگن. افغانستان کابینه سی اوچون تکلیف ایتیلگن بونامزدوزیر رویترزخبرگزارلیگی گه ایتیشیچه سیاست واقتصادبولیمیگه کیرگن تقدیرده شونده ی واقعه لریوزبیریب توره دی.

حیدری جنابلری سالیق دن قرضدارلیک بولگنی نی ایتیب اما مذکور اونگه عاید بولمی قرض بلکی استونیده ساتیب آلگن بیرشرکت گه تیگیشلی بولگن. حیدری جنابلری ییللردن بیری خلق ارا پلیس تعقیبیده بولگن، اما بومساله بوندن آلدین کینگ شکلده بحث ایتیلمه گن ایدی. قسم یادایتیلگن مراسمی دن اوچ آی اوتیشی بیلن افغانستان جمهور رئیسی محمد اشرف غنی پیشنهاد ایتیلگن نامزدوزیرلرنی اعلان ایتدی. واولرکیلگوسی سه شنبه کونی رسمن مجلسگه تنیشتیریلیشی کوتیله دی.