کابل ده شارلی ابدو نشریگه قرشی ناراضیلیک نمایشی زوروانلیکه ایلندی

Image caption افغانستان نینگ ولایت لریده 8 کون الدین هم ناراضیلیک نمایشلری یولگه قوییلگن ایدی

پایتخت کابل شهری ده فرانسه لیک شارلی ابدو گزیته سیگه قرشی ناراضیلیک نماییش زوروانلیککه ایلنگن، پلیس نینگ ایتیشیچه اوق آچیش نتیجه سیده 7 کیشی یره لنگن.

کابل پلیس قوماندانی عبدالرحمان رحیمی بی بی سی بیلن بولگن صحبتیده بو ناراضیلیک نمایش حوت خیل منطقه سیدن باشلگنینی ایتیب نمایشچیلر اره سیده قوراللی لر هم بارلیگینی تاکیدله دی.

اونینگ ایتیشیچه اولر اوق اچیشی نتیجه سیده نمایشچیلردن یتتی کیشی یره لنگن.

کابل پلیس قوماندانی اولرنینگ بو عملگه ترغیب ایتگن شخصلر کیم بولگنی حاضرگه قدر انیق لنمه گنینی ایتدی، اما او،نمایش نینگ زوروانلیککه ایله نیشگه عامل دیب گمان ایتیلگن تورت نفر قولگه آلینگنینی معلوم قیلدی.

پلیس گه کوره، یره لنگن شخصلر کسلخانه گه انتقال بیریلگن.

الدین راق محلی رسانه لر ناراضیلیک نمایش جریانیده یوزبیرگن توقنه شووده ایککی کیشی اولیب اوچ کیشی یره لنگنیدن خبربیرگن ایدی.

کابل پلیس اداره سی سوزلاوچیسی حشمت الله ستانکزی بی بی سی بیلن بولگن صحبتیده ناراضیلیک نمایشده قریب بیش یوز کیشی اشتراک ایتگنینی تیلگه آلیب الدین دن پلیس جریانده قوییلمه گنینی تاکیدله دی.

شارلی گزیته سیده اسلام پیغبمری کاریکاتور نشر ایتیلیشی کینگ نمایشلرگه سبب بولیب کیلماقده.

بوندن الدین هم افغانستان نینگ کابل، هرات، غزنی ، جوزجان و پکتیکا ولایت لریده شارلی گزیته سیگه قرشی ناراضیلیک نماییش یولگه قوییلگن ایدی.