فراه ده ناراضیلیک نمایشی اوتکزیلدی

Image copyright BBC World Service

افغانستان غربیده جایلشکن فراه شهری یشوچی لری ولایت کینگاش لری نظارت صلاحیتی بیکار بولیشی گه قرشی نمایش اوتکزدیلر .

اشبو مقصد ده بوکون ارته لب فراه شهری بازارلری نینگ برچه دکان لری یاپیلیب اهالی ناراض لیک نمایش گه قتنشکندی لر .

نمایش قتنشچی لر بیرمینگ دن کوپ راق کیشی ایدی .

فراه شهری یشوچی لری ولایت کنیگاش لرنینگ نظارت صلاحیتی ولسی جرگه تمانیدن بیکاربولگنی گه اعتراض بلدیریب ولایت کنیگاش لر نی حکومت ایش لری گه نسبتا" نظارت صلاحیتی بیکاربولگن تقدیرده فساد برچه دولتی اداره لرده تاباره ییرلیشی دن اگاه لنتریدلر .

نمایش اشتراک چی لریدن بیری اگر ولایت کینگاش لریدن نظارت حقی الین سه افغانستان بخت سیزلیک غرقابی گه چومیلدی دیب فراه خلقی فقط ولایت کینگاشی ارقلی اوز ارزو واستک لریگه ایرشه الیش لری ممکن دیدی .

فراه ده اویشتریلگن اعتراض لی نمایش تینچ یکون لندی .

اوتکن هفته اخریده افغانستان نینگ اکثر ولایت کنیگاش لری ولسی جرگه نینگ بو قراریگه نسبتا" اعتراض بلدیریش مقصدیده بو اداراه ایشیک لری نی یاپدیلر.

اما افغانستان جمهور رییسی محمد اشرف غنی، محلی ارگانلر مستقل اداره سیگه ولایت کینگشلری نینگ نظارت لایحه سی باشقه اوچ هفته گچه ترتیب گه سالینیشی باره سیده دستور بیرگن.

اشرف غنی مذکور اداره گه ولایتی کینگشلر قانونیگه نظارت لایحه سینی کیریتیب، قانون نی تصدیقلش اوچون اولوسی جرگه گه قیته دن یوباریشینی ایتگن.

محلی ارگان مستقل اداره سی سرپرستی متین بیک نینگ ایتیشیچه، اوتمیشده ولایتی کینگشلر باره سیده انیق بیر تعریف بولمه گن، اما ینگی لایحه ده دولت اداره لری نینگ مردم گه جواب بیریش جریانی شفاف بولیشی قید ایتیلگن.

بیک جنابلری افغانستان ولایتی کینگشلر نماینده لری دن باغله گن اداره لری ایشیگی نی قیته دن آچیب، ایشلریگه دوام ایتدیریشینی سوره گن.