ایچکی ایشلر وزیری: اداری فساد طالباندن کوره ییریک تهدید

Image copyright arg

افغانستان ینگی ایچکی ایشلر وزیری نورالحق علومی مالی واداری فساد طالبان عصیانچیلریدن کوره کتتراق تهدید ایکنلیگنی تاکیدله دی.عینی حالده او اداری فساد گه قرشی کوره شیش وامنیت نی تامینلش اوچون جدی اعتبار بیریشینی ایتدی.

افغانستان نینگ تورلی ولایت لریده ناتینچلیک لر ارتیب باررایکن، ایچکی ایشلر وزیرلیگی نینگ ینگی وزیری طالبان عصیانچیلریدن کوره، اداری فساد کتته معما ایکن لیگینی ایتدی.

بوگون یوزلب پلیس ضابطلری حضوریده ایچکی ایشلر وزیری صفتیده بیرینچی بار صحبت قیلگن جنرال نورالحق علومی پلیس و خلق اره سیده فا صله نی کیمتیریش اوچون ایریم برنامه لر عملی قیلشینی تیلگه آلدی.

عینی حالده او، اداری فساده گه قرشی جدی کوره شیش وعده سینی بیردی:"اداری فسادگه قرشی کوره شیش گه جدی اعتبار بیره من، ایچکی ایشلر وزیرلیگی و پلیس اره سیده گی فسادنی تحمل قیله الميمن. چونکی اداری فساد جامعه ده اخلاقی، فرهنگی و اقتصادی قینچلیک لرنی الیب کیله دی.:"

شونینگ دیک او، مسوولیت سیز قوراللی لرنی قورال سیزلنتیریش، امنیت نی تامین لش الکترونیکی تذکره ترقه تیش همده بو وزیر لیککه تیگیشلی ایشلرنی شفافیت بیلن عملی قیلیشینی اورغوله دی:"" شفافیت بیلن بودجه نی صرف لش و ظرفیتی یوکسلتیریش اوچون جدی حرکت قیله من شونینگدیک جنایتچیلیککه قرشی جدی کوره شه من تروریزم و مخدر ماده لرگه قرشی کوره شنی جدی شکلده دوام بیره من دیدی. "

ایچکی ایشلر وزیرلیگی نینگ تانشتیریش مراسمیده اجراییه رییسی عبدالله عبدالله و جمهوررییس ملی امنیت مصلحت چیسی حنیف اتمر وباشقه یوقاری مرتبه لی دولت خادملری اشتراک ایتگن ایدیلر.

نورالحق علومی افغانستان سابق جمهوررییسی داکتر نجیب الله حکومتی دوریده جنراللیک مقامیگه ایریشگن مهم جنراللردن بیری،مجاهدلر غلبه قازانیشی بیلن شمال اتفاقی بیلن قوشیلدی.

جمهوررییس لیک سیلاوجریانیده هم عبدالله عبدالله دن طرفدارلیک بیلدیریب مهم کمپاینچیلریدن بیری ایدی. اوعبدالله عبدالله تمانیدن ایچکی ایشلر وزیرلیگیگه نامزد صفتیده تانشتیریلدی.

شونینگ دیک تشقی ایشلر، مالیه ، عامه ساغلیک و کانلر وزیرلری هم رسمی شکلده اوز ایشلریگه باشله دیلر.

بو وزیرلر اوتگن کون قسم یادمراسمینی بجا کیلتیرگن ایدیلر.