کابینه ده عیال وزیری بولمه گنی اوچون ناراضیلیک نمایشی اویوشتیریلگن

Image copyright AWN

پایتخت کابلده افغان عیاللرترماغی تاماندن بوناراضیلیک نمایشی ایرته لب محلی وقت بیلن ساعت سکیزده باشله نیب اونلب عیال اشتراک ایتگن. بونده تنیلگن بیرقنچه عیاللرهم قتنشگن.

بونمایشنی اویوشتیرگن لربولیب اوتگن جمهور رئیسلیک سیلاویده 38فایز عیاللر آوازبیرگنی نی ایتیب اما اولرمملکت نینگ مهم لوازم لری اوچون اولوش لری کوزگه کورینرلی ایمسلیگیدن شکایت قیلگن لر.

افغان عیاللرترماغی مسوولی حسینه صافی کابینه ده عیاللرسهمی آز بولگنی اولرنینگ تشویش لریگه سبب بولگن دیدی. ودولت بوتوغریده جدی اعتبار بیریشی کیره ک لیگی نی اورغوله دی.

اعتراضچی لرتاماندن اوقیلگن قطعنامه ده افغان عیاللری سیلاوده امنیتی تهدیدلرگه قره مسدن آوازبیردیلر، بیراق بوقتلم دولت نینگ یوقاری لوازملریگه قبول قیلینمه گن لری اولرنینگ اعتراضیگه سبب بولگنی معلوم قیلینگن.

افغان عیاللر ترماغی مسوولی گه کوره لندن ییغینیده محمد اشرف غنی ملی بیرلیک حکومت کابینه سی ترکیبیده تورت عیال بولیشی ممکن لیگی باره سیده سوزبیرگندی.

خانم صافی نینگ ایتیشیچه افغانستان کابینه سی تورت قسم گه اجره تیلیشی لازم عیاللربونگه 38فایزحقوقی بارو25وزیردن کمیده توقیزوزیرعیال بولیشی کیره ک.

اعتراضچی لرملی بیرلیک حکومتی دن اوز وعده لریگه توریشی نی طلب قیلیب کمیده تورته عیال وزیربولیشی وبوقتلمدن مهم لوازم لرده تعیین له نیشی نی تاکیدله گنلر.

عیاللر بیلن ایرکک لر اورته سیده فرق بولمسلیگی ومملکت اوچون آلینه دیگن مهم قرارلرده عیاللرحضوری نظرده توتیلیشی هم ناراضی عیاللرنینگ ایستک لریدن بیری ایدی. اولرافغانستان ملی مجلسی دن ملکه لی واستعدادلی عیاللرگه آواز بیریش لرینی سوره دیلر. یقینده افغانستان جمهور رئیسی محمد اشرف غنی 19نامزد وزیربوجمله دن بیرنفر عیالنی ملی مجلسگه تنیشتیردی، بولردن 9نفری ملت وکیلری تاماندن ایشانچ آوازی آلیب وزیربولیب تعیینلندی.

حاضرگی ایشانچ آوازی آلگن کابینه اعضالری آره سیده عیال قتلمی دن هیچ کیم بولمه گن. قالگن نامزد وزیرلر تنیشتیریلیب ایشانچ آوازی بیریلمه گنی کگه ملی مجلس تعطیلاتی باشلنگنی سبب بولدی.

جمهور رئیس تاماندن تنیشتیریلگن اوچته عیالدن ایکیته سی تحصیل حجتیده کمچیلیگی بارلیگی وایکی مملکت وطنداشی بولگنی اوچون نامزدلر رویخطیدن چیقدیلگندی واولردن بیرته سی هم ملی مجلسدن ییترلیچه رای آله آلمه دی.

افغان عیاللرترماغی گه کوره بوندن آلدین عالی تحصیلگه ایگه بیرقطارعیاللررویخطی نی جمهور رئیسلیککه تقدیم ایتگندی، اما بوترماققه کوره تورلی بهانه لربیلن ملی بیرلیک حکومتی رهبرلری تاماندن تنیشتیریله دیگن نامزدلررویخطیگه آلینمه گن.

سابق افغانستان جمهور رئیسی حامدکرزی حکومتی دوریده گی کابینه نینگ اوچته عیال ایدی. وایریم ولایت لرحاکمی وافغانستان انسان حقلرینی سقلش مستقل کمیسیونی باشلیغی هم عیال قتلمی دن بولگن ایدی.

اوتگن کونی افغانستان انسان حقلری ودموکراسی ناملی تشکیلات ایکی ییل لیک آلیب بارگن تدقیقات نتیجه سینی اعلان ایتیب شونگه اساسلنگنده اوتگن 7ییلده بومملکتده سیاست واجتماع ساحه سیده عیاللرگه قرشی چیکلاولرآشیب بارگن.

Бу мавзуда батафсилроқ