جنوری آییده 24 مینگ افغان قاچقینی پاکستان نی ترک ایتیشگه مجبور بولیشگن

پاکستان ده قریب 3 میلیون افغان حیات کیچیره دی، اولردن کمیده بیر میلیونی مهاجرت رویخطیگه آلینمه گن.

قاچقینلر بوییچه خلق ارا تشکیلات نینگ اعلان قیلیشیچه، رویخط دن اوتمه گن افغان مهاجرلری شدت بیلن پاکستان دن اوز مملکتیگه قیتیشماقده.

بو تشکیلاتگه کوره، فقط جنوری آییده 24 مینگ افغان مهاجری پاکستان نی ترک ایتگن.

بو خلق ارا تشکیلات نینگ ایتیشیچه، طالبان نینگ پشاور شهریده گی مدرسه لردن بیریگه هجوم قیلگنی آرتیدن، پاکستان دن افغانلرنینگ گروهی شکلده قیتیش جریانی شدتلنگن. بو تشکیلات گه کوره، بولردن بیرتعدادی پاکستان پولیسی نینگ اولر بیلن قوپال یاندشگنی سبب، او مملکت نی ترک ایتیشگن.

خلق ارا مهاجرلر تشکیلاتی نینگ افغانستانده گی اداره سی رییسی ریچارد دنزینگر نینگ ایتیشیچه، بو قیتیشلر جریانی پشاورده گی مدرسه گه قیلینگن هجوم لردن سونگ، باشلنگن، دهشتلی حادثه یوز بیرگن حالده، مردم خارجیلرنی عیبدار بیلیشه دی، دیگن او.

شو آی ایچیده کمیده 1500 افغان مهاجری او مملکت دن زورد هیده ب چیقه ریلگن.

خلق ارا مهاجرلر تشکیلاتی گه کوره، پاکستانده گی افغانلر پولیس نینگ اویلریگه هجوم قیلگنی و زوره وانلیک کورستگنی باره سیده شکایت قیلیشگن.

پاکستاندن مینگلب آواره لرنینگ مملکتیگه قیته یاتگنی، افغانستان نینگ چیکلنگن منبعلریگه تاثیر اوتکزیب، بو توغریده فقطگینه اینگ کوپ ضرر کورگن عایله لرگه یاردم عملگه آشیریله دی.

دنزینگر جنابلری گه کوره، مملکتگه قیتیب کیلگنلردن اون فایزیگه یاردم عملگه آشیریلگن و مهاجرت تشکیلاتی اوزی نینگ افغانستان غربی ده گی منبع لریدن بیر قسمی نی پاکستان دن قیتیب کیله یاتگن مهاجرلریگه اجره تیشگه مجبور.

بو تشکیلات نینگ معلوم قیلیشیچه، افغانستانده 2015 ییل اوچون ینه 6،1 میلیون دالرگه احتیاج بار.

Бу мавзуда батафсилроқ