امنیت اداره سی ملاعبدالرووف دیب باشقه کیشی صورتینی نشرایتگنیدن عذر سوره دی

Image copyright NDS

افغانستان ملی امنیت ادراه سی افغانستانده گی داعش گروهی رهبری ملا عبدالرووف دیب باشقه نفرصورتی نی نشرقیلگنی باره سیده عذر سوره گن. ملاعبدالرووف بوندن بیر هفته آلدین جنوبی هلمند ولایتیده هلاک بولدی.

بو اداره تاماندن ترقه تیلگن بیاناتده کیلیشیچه 9فیبروری ملا عبدالرووف اورنیده شاه ولی ناملی شخص صورتی نشر ایتیلگن.

ملی امنیت اداره سی نینگ معلوم قییلشیچه ملا عبدالرووف هلمند ولایتی نینگ کجکی تومنیده بیش نفر صفداشی بیلن اولدیریلگن.

عین حالده ایریم خبرلرگه کوره او هوا دن بیریلگن ضربه عاقبتیده هلاک بولگن.

بیراق اونینگ جسدی قه ییرده وکیم یننگ آلدیده ایکن لیگی انیق ایمس.

طالبان نینگ سابق رهبری ملا عبدالرووف یقینده اسلامی دولت گه قوشیلگنینی اعلان قیلگندی.

عبدالرووف خادم آتیگه کوپلب تصویرلرنشر ایتیلگن، اما هیچ بیرمستقل تشکیلات بوصورت لر اونگه عاید بولگنی نی تصدیقله مه گن.

ملی امنیت اداره سی شاه ولی قیافه سی ملا عبدالرووف قیافه سی بیلن جوده یقین بولگنینی ایتیب واوهم امریکا لیک لرتاماندن ملاعبدالرووف گه اوخشب گانتانامو قماقخانه سیده قماققه آلینگندی، اما او حاضر آزاد ایتیلگن .

افغانستان ملی خوف سیزلیک اداره سی بوایش اوچون شاه ولی عایله سیدن کیچیریم سوره شینی ایتگن.