قندهار- کابل یولیده 30نفرمسافر اوغیرلنگن

محلی رسمی لرگه کوره، کابل تامان یول آلگن ایکی مسافرتشووچی نقلیه واسطه گه مینیلگن بومسافرلر دوشنبه کونی کیچقرون زابل ولایتی نینگ شاه جوی تومنیده نامعلوم قوراللی لر تاماندن اوغیرلنگن.

زابل ولایتی نینگ شاه جوی تومنی حاکمی عبدالخالق ایوبی دستلبکی گزارشلراساسیده مسافرلرنی اوغیرله گن قوراللی لر یوزیگه نقاب تارتیلگنینی معلوم قیله دی.

ایوبی جنابلری محل اهالی سیدن نقل قیلیب ایتیشیچه اولرگپیره دیگن تیلنی حادثه یقینده بولگن اهالی بیلمه گن.

قندهار ولایتی نینگ ترانسپورت ریاستی رسمی لری "غزنی پیما" ناملی شرکت نینگ ایکی مسافر تشووچی نقلیه واسطه سی دوشنبه کونی کیچقرون نامعلوم قوراللی شخص لرتاماندن توخته تیلیب مسافرلری آلیب کیتیلگنی نی معلوم قیلگن.

اما بو شرکت مسووللری بی بی سی بیلن بولگن صحبتیده بو شرکت گه تیگیشلی نقلیه واسطه لری یوز لریگه نقاب تارتیلگن و ملی اردو کییمیده بولگن کیشی لرتاماندن توخته تیلیب مسافرلردن کیم لیک حجت لری سوره لگنینی ایتیشگن.

بوشرکت نینگ زابل ده گی نماینده سی نصیر نینگ بی بی سی گه ایتیشیچه، نقابلی شخص لر همه دن کییملیکلرینی کورسه تیشینی سوره گن، اوندن کیین هزاره لرنی اوزلری بیلن آلیب کیتگن و باشقه لر قریب ایککی ساعت اوشبو محلده قالگن.

اونگه کوره، ایککی ساعت جریانیده هیچ بیر پلیس و عسکر محلدن اوتمه گن، ایککی ساعت دن سونگ اردو عسکرلری محل گه کیلیب قالگن مسافرلرنی کابل و قندهارگه انتقال بیرگنلر.

موترده بولگن عیال اوغلی بیلن حاضر کابلگه کیلگن اوز اسمینی ایتیشینی ایسته مه گن بوعیال بی بی سی بیلن بولگن صحبتیده کورگنلرینی شوندی ایضاح له دی:"نقلیه واسطه لرنینگ بیری دن هزاره قومی گه منسوب 19نفر وینه بیریدن هم 12کیشی نی توشیریب آلیب کیتدی. اولرپلیس کییمی دن فایده لنگندی، بیرته سی نینگ کییمی حربی کییم ایمسدی، ساچی اوزین ایدی، پشتووفارسی تیللریده صحبت قیلردی، سیزلرکیم سیزلرومذهب لرینگیزنیمه دیب سوال بیرردی ، عمکیم نینگ ایککی اوغلی هم الیب کیتیلگن لر اره سیده ."

اوغیرلنگن لر ایران دن افغانستان گه قیتگن مهاجرلر عایله سی بولگن. افغانستان ایچکی ایشلر وزیرلیگی حاضرگه قدربوخصوصده صحبت قیلیشگه حاضر بولمه گن.

کابل _ قندهار شاه یولی افغانستان نینگ خوفلی شاه یوللریدن بیری حسابلنه دی، قوراللی عصیانچیلر فعال بولیب بوندن الدین هم مسافر موترلری اولر تمانیدن توخته تیلگن ایدی. تصدیق لنمه گن خبرلرگه کوره، چیت ایللیک عصیانچیلرهم تاپیلگنی ایتیلماقده.

حاضرگه قدر هیچ بیرگروه یاشخص مسوولیتی نی اوز ذمه سیگه آلمه گن.