یوناما: 2014 ییلده افغان تینچ اهالی تلفاتی 22 فایزگه آشگن

Image copyright AFP

بیرلشگن ملتلر تشکیلاتی یوناما افغانستانده تینچ اهالی تلفاتی باره سیده گی اوزی نینگ 2014 ییللیک گزارشیده، اوتگن ییلده اون مینگ و بیش یوز دن زیاد عادی اهالی پارتلش جنگلرده قربان بولیشگنی و 2013 ییل گه نسبتآ تلفاتلر میزانی 22 فایزگه آشگنی دن خبر بیردی.

بو گزارشده قید ایتیلیشیچه، اوتگن ییلده زمینی اوروشلر کوپه یگنی، اورنه تیلگن ماینلر پارتله گنی و خودکش هجوملرعاقبتیده قریب 3700 ته تینچ اهالی قربان بولیب، باشقه کمیده 6900 نفر یره لنگن.

بو گزارشده گی معلوماتلرگه کوره، قوراللی طالبان و باشقه دولت مخالفلری تلفاتلرنینگ اینگه کته قسمی یعنی 72 فایزیگه، حکومت کوچلری 12 فایزیگه و خلق ارا حربی کوچلری ایسه 2 فایزیگه مسوول دیب تنیلگن.

بیرلشگن ملتلر تشکیلاتی نینگ مخصوص نماینده سی همده یوناما اداره سی رییسی نیکولاس هایسم نینگ ایتیشیچه، افغانستانده جنگ قیله یاتگن تمانلر عادی اهالی نی محافظه ایتیشده اعتبار بیریشمه یدی: "منیگلب عادی اهالی عیال، باله لر و ایرکک افغانلرنینگ اولیب یره لنگنی، اولرنینگ محالفظ ایتیلمه گنلیگی دن دلالت بیره دی. اوروش تمانلری انیقسه قوراللی مخالفلر عادی اهالی جانی سقلنیشی توغریسیده گی بیرگن وعده لری ومسوولیتلرینی عملی قیلیشی کیره ک. بیز 2015 ییلده تینچ اهالی تلفاتی میزانی آزه یشی حقیده جدی چاره تدبیر کوریب چیقیلیشی باره سیده امیدوارمیز."

یوناما نینگ عادی اهالی تلفاتی باره سیده گی ییللیک گزارشیده، قوراللی توقنه شوولر و جنگلرده عیاللر و باله لرگه اینگ کوپ ضرر ییتکزیلگنی و باله لر تلفاتی 2013 ییلده 40 فایز گه آشگنی قید ایتیلگن.

یوناما انسان حقلری رییشی جورجیت گگنن نینگ ایتیشیچه، “جاری جنگلرده عیاللر و باله لرگه اینگ کوپ تلفات ییتکزیلگن:گبیز بو گزارش نی ضررکورگن کته سانده گی عیاللر بیلن صحبتلشیب، تیارله دیک، عایله لری نی نان بیلن تامینله ی دیگن اعضالرینی قولدن بیرگن شخصلرنی تاپدیک، اولردن بیر قطاری کمبغللیک یوزه سیدن باله لرینی مکتب دن چیقه ریب آلیب، نابالغ قیزلرینی تورموشگه چیقیشگه مجبور له گنلر."

یوناما حکومت و قوراللی مخالفلردن استقامت جایلرده تینچ اهالی جانی سقله نیشی اوچون، مکتب، بازار و عادی اهالی توپلنگن محله لرده، آغیر قورال و ماینلردن فایده لنمسلیکلرینی سوره ب، بونده ی اولدیریشلرگه سببچی بولگن شخصلر محکمه ایتیلیشی کیره کلیگی نی تاکیدله گن.

طالبان و افغانستان حکومتی هنوز گه قدر بو گزارش باره سیده عکس العمل بیریلگنی چه یوق.