بدخشانده قارکوچگیسی سبب 12نفرجان بیرگن

افغانستان شمال شرقیده گی بدخشان ولایتیده یوزبیرگن قارکوچگیسی عاقبتیده کمیده 12نفرهلاک بولگن.

بدخشان رسمی لری ضررکورگن اهالی یاردمگه جدی احتیاج لری بارلیگی نی ایتماقده لر.

افغانستان شمال شرقیده گی بدخشان ولایتی نینگ رسمی لری بوولایتده یوزبیرگن قارکوچگیسی نتیجه سیده کمیده 12 نفرهلاک بولگنینی خبربیرگنلر. بوحادثه بو ولایت نینگ کجلرقیشلاقیده یوزبیریب مالی ضررهم آلیب کیلگن. بدخشان ولایتی نینگ طبیعی حادثه لرگه قرشی کوره ش باشلیغی عبدالله همایون بی بی سی بیلن بولگن صحبتیده 8حویلی قارتگیده قالیب ومحلده گی اهالی تاماندن قارتوشگن محل تازه له نیشی اوچون سعی وحرکت دوام ایته یاتگنینی معلوم قیلگن. همایون جنابلری گه کوره یوزبیرگن قارکوچگیسیده منطقه اهالیسی وضررکورگن اهالی نینگ یاردم گه جدی احتیاج لری بار. افغانستان نینگ تاغلیک حدودلریدن حسابلنگن بدخشان ولایتی هرییلی شووقتلرده قتیق قیشگه گواه بوله دی. بو ولایت نینگ یوللری یاپیلیب قالگنی اوچون یاردم ییتکزیش هم نهایت قیینلشه دی. بوندن بیرهفته آلدین هم بو ولایت نینگ یمگان تومنی نینگ کلف زار قیشلاقی ده یوزبیرگن قلین قار سبب قریب 20حویلی قارتگیده قالیب وکمیده 5نفردن جان آلگندی. اوتگن هفته گی واقعه ده بیرینچی یاردم لر ییتکزیلمه گنی سبب محلده گی اهالی قوتقریش گروهی تشکیلشتیریب وجسدلرنی قار تگیدن چیقریش اوچون سعی وحرکت قیلگندیلر.