'طالبان هیاتی مذاکره قیلیش اوچون پاکستانگه سفرقیلگن'

Image copyright

پاکستان وطالبان منبع لری بی بی سیگه بوگروه هیاتی اسلام آبادگه سفرقیلگنی باره سیده خبربیرگن. شونینگ دیک ملاعمرتاماندن بو هیاتگه افغانستان دولتی بیلن مذاکره قیلیشگه رخصت بیریلگن. طالبان بوخبرنی رسمن تصدیقله مه گن.

افغانستانلیک طالبان گروهی منبع لری بی بی سی گه بوگروه نینگ بیرگروه هیاتی پاکستان پایتختی اسلام آبادگه ییتیب بارگنلیگی باره سیده خبربیرگن.

اسلام آباد ده گی بی بی سی مخبری طاهرخان گه کوره بوندن آلدین بوگروه هیاتی باشچیلیگیده بولگن قاری دین محمد چین گه سفرقیلگندی.

بی بی سی مخبری اوزاسم لری توتیلیشی نی ایسته مه گن طالبان گروهی وپاکستان منبع لریدن نقل قیلیب قطرده کی طالبان نینگ یوقاری مرتبه لی اعضالریدن بولگن " استانکزی" ناملی شخص کیلگوسی کونلرده اسلام آبادگه سفرقیلیشی ممکن لیگی نی معلوم قیلگن.

اما طالبان رسمن بومعلومات لرنی تصدیقله مه گن.

عین دمده بو منبع لر بی بی سی گه بو هیات نینگ اسلام آبادگه سفرقیلیشیدن چین مملکتی جریانده ایکن لیگینی ایتگنلر.

چین حکومتی بوندن آلدین طالبان بیلن افغانستان دولتی اورته سیده واسطه چیلیلیک قیلیش اوچون سعی وحرکت قیلگندی.

پاکستانده گی بی بی سی مخبری گه کوره بوگروه رهبری تاماندن طالبان هیاتی گه افغانستان دولتی بیلن مذاکره لرنی باشلشگه رخصت بیریلگن و افغانستان دولتی بیلن بو گروه مذاکره لری مارچ آیی ده توغریدن- توغری باشله شی کوتیله دی.

عین حالده اسلام آبادده گی بی بی سی مخبری نینگ ایتیشیچه طالبان تاماندن رسمن بوگروه دفتری قطرده فعال ایکن لیگی واولرنینگ وکیللری مذاکره اوچون اسلام آبادگه سفرقیلگن لری تصدیقلنمه گن.

بودفتر میلادی 2013ییل حامد کرزی تاماندن بیلدیریلگن اعتراضی آرتیدن رسمن یاپیلیشیگه قره مسدن بی بی سی مخبری معلوماتی اساسیده قطردفتری فعال بولیب طالبان رهبرلری اوتگن آیلرده بو دفترگه کیلیب کیتیشی معلوم قیلینگن.

اوتگن هفته پاکستان اردوسی قوماندانی جنرال راحیل شریف کابل گه قیلگن سفریده طالبان گروهی وحقانی ترماغی ملاعمر اجازتی بیلن رسمی کابل بیلن مذاکره قیلیشگه تیارایکنلیگی نی ایتگندی.

شونینگ دیک اوتگن کونی پاکستان ایچکی ایشلروزیری نثارعلی خان پاکستان بیلن افغانستان ترورچیلیککه قرشی کوره ش همکارلیگی معجزه لی بولیشی ممکن لیگی نی معلوم قیلگندی.

اونگه کوره ایکی مملکت علاقه لری هیچ بیرپیت حاضرگی دیک یخشی بولمه گن.

افغانستان جمهور رئیسی کابلده تینچلیککه ایریشیش اوچون سیاسی رهبرلرونفوذلی شخصت لربیلن فکرالمشتیریشنی باشله گن.

غنی جنابلری راحیل شریف تاماندن طالبان وحقانی ترماغی تینچلیککه تیارایکنلیگی باره سیده بیریلگن ایشانچدن کیین اهالی نینگ تورلی قتلمی بیلن اوچره شیب همده تینچلیک مذاکره لریگه عاید مساله لرنی اهالی بیلن اورته گه قویشینی اعلان ایتدی.