لوگرولایتیده داعشگه طرفدارگروه اهالی اویلریگه هجوم قیلیشگن

Image copyright

اسلامی دولت یا داعش نی بیعت قیلگن گروه کابل یقینده جایلشگن لوگرولایتی نینگ چرخ تومنیده گی ایریم اهالی اویلریگه هجوم قیلیشگن.

بو ولایت رسمی لری تیزآره ده بوگروه گه قرشی حربی عملیات اوتکزیشلری باره سیده خبربیریشگن. کابل جنوب شرقیده جایلشگن لوگر لایتی محلی رسمی لری تیزآره ده بوولایتده فعال بولگن داعشگه علاقه دارگروهگه قرشی عملیات یولگه قوییش لری ممکن لیگی باره سیده خبربیرگن. لوگرولایتی نینگ چرخ تومنی یشاوچیلری بی بی سیگه اوتگن نیچه هفته ده اشدی گروه لردن بیری آق بیراق اورنیده قاره بیراق کوتریب، تلویزیون لرنی سیندیریب وزیارتگاه لرگه اوت قوییشه یاتگنلرینی ایتیشگن لر. بوندن آلدین هم اسلامی دولت یا داعش گروهی نینگ بیرقطار ولایت لرده فعال بولگنی باره سیده خبرلرچیققندی. مملکت نینگ بیرقطار ولایت لریده فعالیت گه باشله گن گروه کیملیگی هلی هم انیق ایمس، اما کوریلیشیچه طالبان گروهی دن اشدی راق دیب معلوم قیلینماقده. ایتیلیشیچه بو گروه اهالی اویلریگه کیره دی، تلویزیونلرنی سیندیره دی وکوزله گن کیشی نی اوییدن چیقریب اولدیریب تشله ماقده. لوگرولایتی گه قره شلی چرخ تومنی نینگ قوم آقسقاللریدن محمد دین آق بیراغ اورنی نی قاره بیراق آلگنینی ایته دی. "مسجدگه اوت قوییله دی، زیارتگاه گه اوت قوییله دی، آق بیراق قاره بولماقده، نه حکومت بار ونه قانون، بوگون تاپیلیب قاله دی ینه ایرته سی یوقاله دی، بیلیب بولمه یدی بولرکیم" دییدی محمد دین تومن حاکمی خلیل کمال گه کوره دولت اوراق قیشلاق لرگه تولیق نظارتی بولمه گنی اوچون بوگروه فعال بولیب اوز فعالیت دایره سینی کینگه یتیرماقده"حقیقتنی ایتسم، ایریم محللرده نظارتیمیز یوق وینه بیردلیل هم اولر کیچه تاماندن کیلیب فعالیت قیله دی، بیت لریده نقاب تارتیلگن، یقینده بیر کیشی نی بازارده اولدیریب کیتیشگندی، اهالی توپله نیب کیلگن پیت اولر قاچیب کیتگن. شونینگ دیک بوگروه کیچه اهالی اوی لریگه کیریب باریب تلویزیون لری سیندیره دی" دییدی کمال جنابلری لوگر ولایتی نینگ ولایت کینگشی لوگرده گی اوزگریشلردن تشویش اظهارایتگن. بو شورا نینگ رئیسی مرکزی حکومت تیزلیکده چاره کوریشینی سوره ماقده. اما بو ولایت نینگ پلیس قوماندانی عبدالحکیم اسحاق زی تیزآره بوگروه گه قرشی حربی عملیات یولگه قوییلیشی ممکن لیگی دن خبربیره دی."بیزچرخ تومنی اهالی سیگه سوزبیره میز واولرنینگ ایشانچ لری کامل بولسین تیزآره ده بوگروه فعال بولگن محللرده اولرگه قرشی حربی عملیات یولگه قوییب خلقنی بومعمادن قوتقره میز" دییدی اسحاق زی جنابلری طالبان بیلن تینچلیک خصوصیده مذاکره لر باشله نیشی اوچون سوزکیته یاتگن بیرپیتده لوگردن تشقری مملکت نینگ بیرقطار حدودلریده داعش گروهی فعالیتگه باشله گنی باره سیده خبرلرچیقماقده. کوپلب افغان لرفکریچه طالبان استه سکین اوز اورنی نی داعشگه بیره دی. وافغانستان ینگی بیر سیاسی اویین نی ینه بیر بارتجربه قیلیشی ممکن لیگی باره سیده فکرلر ایلگری سوریلماقده. افغانستان حکومتی داعش گروهی یا باشقه گروه لرافغانستان ملی منفعتی نی خوفگه سالماقچی بولسه چیده ب توره آلمسلیگی نی تاکیدله گن.