پنجشیر ولایتیده قارکوچکیسی عاقبتیده قربان بولگنلر رقمی 187 کیشی گه ییتیشگن

Image copyright EPA

یاردملرنی هماهنگلشتیریش بویچه مسوول صفتیده تعیین لنگن، ویس برمک نینگ ایتیشیچه، اوتگن کون دن بیری حاضرگه قدر پنجشیر ولایتی ده قارکوچکیسی نتیجه سیده 187 کیشی هلاک بولگن.

شونینگ دیک برمک جنابلری، بی بی سی بیلن بولگن صحبتیده وضعیت نی یقین دن کوزه تیش اوچون اجراییه رییسی هم محل گه سفر قیلگنینی ایتدی.

عینی حالده، قیزیل آیی اداره سی نینگ رییسی فاطمه گیلانی ضرر کورگنلر اوچون کیرکلی اذیق اوقات ماده لری محل گه ییتکیزیلگنینی معلوم قیلیب بیراق تلفات میزانی کوپ بولگنینی ایتدی:" هربیر قیشلاق قاردن تازلنیشی بیلن کوپلب جسد چیقه ریله دی."

اوتگن کون پنجشیر ولایتی نینگ ولایت حاکمی عبدالرحمان کبیری سونگی یاققن قار بولایتده مثلی کوریلمه گن درجه ده بولگنی نی معلوم قیلیب اهالی گه کوپلب قیین چیلیکلر یره تگنینی ایتگن ایدی.

رسمی لرنینگ ایتیشیچه بو ولایتده فوق العاده وضعیت اعلان ایتیلگن.

Image copyright AP

بو ولایت رسمی لری قارتگیده قالگن لرنی قوتقریش اوچون بوولایت نینگ اختیاریده کوزگه کورینرلی امکانیت بولمه گنینی ایتیب مرکزی حکومت تیزده یاردم بیریشی کیره ک لیگینی طلب قیلگن ایدی.

تخارولایتیده هم یوزبیرگن قارکوچکیسی اوچ کیشی دن جان آلگن ایدی.

بو ولایت حاکمی نینگ سوزلاوچیسی سنت الله تیمورنینگ خبربیریشیچه هلاک بولگن لردن ایکیته سی عیال بولگن.

مملکت شرقیده گی لغمان ولایتی ده هم یوزبیرگن سوو تاشیقینی عاقبتیده تورت نفر اولیب واونلب اوی همده یوزلب جریب ییرگه خساره ییتکزگن.

ننگرهار ولایتیده گی سوو تاشقنینی عاقبتیده بلاغت یاشیگه ییتمه گن باله هلاک بولگن.

اوتگن کونلرهم افغانستان نینگ ایریم ولایت لریده قارکوچگیسی تلفات لرگه سبب بولگندی.

بیرکون آلدین بامیان ولایتیده یوزبیرگن قارکوچیگیسی عاقبتیده 5نفر هلاک ایتیلدی .

شونینگ دیک اوچ کون مقدم بدخشان ولایتیده هم خود بوکبی حادثه ده 12کیشی اوزجانینی قولدن بیردی.

اوزلوکسیز یاققن قارسبب سالنگ شاه یولی یاپیلیب همده قوشنی مملکت لردن کابلگه آلیب کیلینگن برق تامیناتی هم اوزیلیشیگه سبب بولگن