" رییس خدایداد کابلده اعدام ایتیلدی"

Image copyright NDS

افغانستان ملی امنیت اداره سی آدم اوغیرلاوچی بیر گروه رهبری رییس خدایداد اسمی بیلن شهرت قازانگن سیدالله بوگون کابلده اعدام ایتیلگنیدن خبربیرگن. افغانستان ملی امنیت اداره سی اوز بیاناتیده بو شخصنی اوته خطرلی بولگنینی هم ایتگن.

هرچند افغان مقاملری و ملی امنیت اداره سی رییس خدایداد قییرده اعدام بولگنی باره سیده هیچ قندی معلومات بیرمه گن ، بیراق محلی رسانه لر بوشخص پلچرخی قماقخانه سیده دارگه تارتیلگنی باره سیده خبر ترقه تگن.

شونینگ دیک ملی امنیت اداره سی خبرنامه سیده، رییس خدایدادنینگ یولداشلریدن بیری محکمه تامانیدن ییگرمه ییل وباشقه اوچ یولداشی یتتی - یتتی ییل قماق جزاسیگه محکوم ایتیلگن.

ملی امنیت اداره سی تمانیدن ترقه تریلگن ویدیو تسمه ده رییس خدایداد محکمه سی انا انیق مکانده بولیب اوتگن قاضی اونی قتل، ادم اوغیرلش اوغیرچیلیک عیبلاو لریگه عیبله گنی کورسه تیلگن.

اوتگن ییل دسامبر اییده رییس خداید 36 ساعتلبیک عملیات نتیجه سیده قولگه الینگنی امنیت تمانیدن خبربیریلگن ایدی.

عینی حالده افغان مقاملری، رییس خدایداد قولگه آلینمسدن الدین ساخته کیملیک بیلن افغانستان نینگ قطار ولایت لری ، تاجیکستان، پاکستان و عرب امیرلیک بیرلیگیگه نیچه بار سفر قیلگنینی ایتگن ایدی.