روحانی: ایران افغانستانده یوزبیرگن قارکوچکیلری جبردیده لریگه یاردم بیره دی

Image copyright AFP

ایران جمهوررییسی حسن روحانی افغانستان خلقی گه غمشیریک لیک بیلدیریب، قار کوچکیلری جبر دیده لریگه " ایران دولتی وخلقی" یاردم بیریشگه تیار ایکن لیگینی ایتگن.

روحانی جنابلری جمهوررییس غنی گه پیام یوللب یوزبیرگن قارکوچکیلری کوپلب تلفات لرگه سبب بولگنیدن تاسف اظهارایتگن.

شونینگ دیک روحانی جنابلری شوندی دیگن:" ایران خلقی اوتمیشلرده هم مسلمان قوشنی میز افغانستان یانیده بولیب بو المناک حادثه اوچون هم اوزلرینی بوملت نینگ ییریک مصبتیگه شیریک بیله دیلر" دیگن.

افغانستان جمهوررییسی بوگون ایران گه سفر قیلیشی کوتیلرایدی، بیراق سونگی حادثه اوچون سفرینی کیچیکتیردی.

جمهوررییس غنی ایران دولتی نینگ دعوتیدن منتدارچیلیک بیلدیریب ایران گه سفرقیلیشی ممکن لیگینی ایتگن.

افغانستان نینگ تورلی ولایت لریده جمله دن پنجشیر، بدخشان، بامیان، ننگرها وتخار ولایت لریده یوزبیرگن سونگی قار کوچکیلری و سوو تاشقینلری محل یشاوچیلریگه جانی ومالی تلفات ییتکیزدی.

پنجشیر ولایتی نینگ ولایت حاکمی عبدالرحمان کبیری بوگون هم بیرنیچه ییریک قارکوچکیسی یوزبیرگنینی اورغولب، جانی تلفات قالدیرمه گنینی ایتدی. اما او قارکوچکیلری پنجشیر دریاسینی نیچه بولیب تشله گنینی ایتیب ،حاضرگی شرایطده آقر سوو ذخیره بوله یاتگنینی تاکیدله دی.

اونگه کوره، بوخصوصده جدی چاره و تدبیر کوریلمسه ییریک خطرلربیلن بیرگه بولیشی ممکن. عینی حالده حاکم جنابلری اخرگی جسد قار استیدن چیقه ریلیشی بیلن قوتقریش عملیاتی یکون تاپیشینی ایتدی.

هرچند تلفات لردن انیق رقم یوق، اما جمهوررییس غنی اوز صحبتیده 284 کیشی هلاک و 143 دن ارتیق شخص یاره لنگنیدن خبربیردی.