میمنه شهریدن اوشلنگن اوزبیکستانلیک اوچ عیال قنده ی آزاد ایتیلگن؟

Image copyright bbcuzbek

بوندن اوچ هفته آلدین میمنه شهری نینگ غرب تمانیده گی امنیتی کمر بند دن اوشلنگن اوچته اوزبیکستان لیک عیال منه شو هفته جریانیده قوییب یوباریگن.

خوفسیزلیک مسوللری بو عیاللرنی طالبان بیلن علاقه ده بولیش شبهه سی بیلن اوشلب آلگن ایدی.

مذکور عیاللر اوشله نیشی دن بیرایکی کون اوتر ـ اوتمس میمنه شهریدن بیش ـ آلتی کیلومتر نریده میمنه ـ مزار شاه یولیده CHA نامیده گی انسان پرورلیک موسسه نینگ خادم لریدن تورت کیشی طالبان تمانیدن آلیب کیتیلگن ایدی.

شونینگدیک طالبان گروهی مذکور موسسه نینگ خادم لری نی آزاد ایتیلیشی اوچون اورته گه توشگن آق سقاللرگه اولرنی آزادایتیش لری مقابلیده مذکور عیاللرنی اولرگه تاپشیریش طلبی بیلن چیققن ایدیلر.

بیراق عیاللر کابلگه یوباریلگن لیگی اوچون فاریاب محلی حکومتی بو طلب گه جوابن بیرار قرار آلیشگه عاجز قالگن ایدی.

باشقه تاماندن قیصار تومنی نینگ عالم لرکینگاشی همده آقسقاللری بیرلیگیده اونلب کیشی لر مرکزی حکومت گه عیاللرنی قوییب یوباریلیش لری اوچون مراجعت قیلگنی خبرقیلینگندی.

اولر مذاکره لری دواملی بولگنی اوچون اوتگن هفته جریان طالبان گروهی اوشلنگن انجنیر لردن بیرینی اولدیریب هم تشله گندی.

فاریاب ولایتی کینگاش باشلیغی سید عبدالباقی هاشمی بی بی سی بیلن بولگن صحبتیده آقسقاللرمذاکره لری بیر- ایکی قتله ایش بیرمه گن لیگینی ایتیب، بیراق اوچینچی قتله ده ملی امنیت مسوللری مذکور موسسه خادم لری بیلن تبادله قیلمس دن اوزبیکستان لیک عیاللرنی قوییب یوباریش یوباریشی باره سیده قرار آلگن لردیدی.

انه شو باعث اولر قماقخانه دن قوییب یوباریلیب، و طالبان هم توتقونگه آلگن انجنیر لرنی هم آزاد ایتگندی.

هاشمی جنابلری قیصار تومنی نینگ شاخ، تربت، و خواجه کینتی قیشلاقلریده یوزدن آرتیق اوزبیکستان لیک لر عایله لری بیلن کوچیب کیلگن لیک لرینی ایتماقده.

اونگه کوره مذکور کیشی لرنینگ ایرکک لری طالبان صفیگه قوشلیب دولت کوچلری بیلن توقنه شیب عیاللر هم ماین یسش بیلن ایش آلیب باره دیلر.

عین دمده فاریاب حاکمی نینگ سوزچیسی احمد جاوید بیدار بی بی سی بیلن بولگن صحبتیده اوزبیکستان لیک عیاللر قوییب یوباریلگن لیک لرینی تصدیق لب، بیراق اولرنی انجنیر لر بیلن المشتریلگن لیک لرینی رد ایته دی.

بیدار جنابلری اوزبیکستان فقرالرینی قیصار تومنی نینگ ایریم منطقه لریگه عایله سی بیلن کوچیب کیلگن لیک لرینی تصدیقلب، بیراق اولر قیسی گروه گه تیگیشلشی بولگنی باره سیده انیق معلومات قولدهایمسلیگی نی ایتماقده.

عین حالده قیصار تومنی نینگ حاکمی عبدالجمیل صدیقی هم اوزبیکستان لیکلر بارلیگینی تصدیق لب، بیراق تیز آره ده بو خصوصده جدی چاره تدبیر کوریلمه گن تقدیرده شمالی فاریاب تینچلیک وضعیتی یمان بولیشی دن خواطر بیلدیره دی.

سونگی پیت لرده شمالی فاریاب ولایتی نینگ تنچلیک وضعیتی یمالشگنی بو ولایت یشاوچی لرینی خواطرلریگه سبب بولگن.

مذکور ولایت ده داعش یا اسلامی دولت اعضا لرینی حضوری بارلیگی باره سیده چیقه یاتگن خبرلرینه ده بوخواطیرلرنی کوچیتیرماقده.