بامیانده گی کانلردرآمدی بیرقسمی فرهنگی بولیمده صرفله نیشی ممکن

بامیان ولایتی مقاملری بو ولایت نینگ طبیعی منبع لر درامدی دن بیرقسمی بامیان ولایتی مدنی بولیم لرینی کینگیتیریش خصوصیده اجره تیلیشی ایتگن.

بولایحه بیرلشگن ملتلر تشکیلاتی نینگ فرهنگی بولیمی تمانیدن تکلیف ایتیلگن و بولایحه دولت گه تاپشیریلیشی کوتیله دی.

بامیان ولایتی نینگ مدنیت وخبرلر اداره سی باشلیغی کبیر داد رس نینگ بی بی سی گه ایتیشیچه بو لایحه یونیسکو تمانیدن تکیلیف قیلینگن.

اونگه کوره حکومت تمانیدن تصدیق لنگن حالده کانلر وزیرلیگی تمانیدن عملی بولیشی ممکن.

شونینگدیک دادرس جنابلری بو لایحه عملده جاری ایتیلیشی بیلن بامیان ده گی تاریخی اثرلرنی سقلش و قیته تیکلش اوچون ییترلی بودیجه قولگه کیرتیلیشینی تاکیدله دی:"بو لایحه کینگ بیر لایحه دیر، تفصیلاتی آچیقلنمه گن، مین بو طرح نی خوش قرشی له یمن، بو لایحه قبول قیلینیب، کیله جک ییل برچه تاریخی اثر قیته تیلکه نیشگه امید بیلدیره من.شوندی کی سیز بیله سیز بامیان سارک اعضالیگیده بولگن مملکت لر پایتختی صفتیده تنلنگن، بونینگ یانیده تاریخی یادگارلیک لرنی قیته تیکلش ایشی هم باشلنسه." دییدی دادرس جنابلری

یونسکو تمانیدن تیارلنگن بو لایحه حاضرگه قدرهم رسمی شکلده دولت اختیاریده قوییلمه گن، اما کیله جک ایککی آییده بو لایحه نهایی بولیشگه امید بیلدیریلگن.

بیرلشگن ملتلر تشکیلاتی نینگ فرهنگی جمغرمه رئیسی بولایحه تمانلرینی کوریب چیقیش اوچون بیرگروه هیات بیلن بامیانگه سفر قیلیشگن.

جناب احمد نعیم بو سفری جریانیده حاجی گک ده گی تیمیر و باشقه بیرنیچه کاننی یقیندن کوریشی کوتیله دی.

شونینگ دیک بامیان مدنیت وخبرلر اداره سی نینگ رئیسی دادرس جنابلری کانلرنی قزیب چیقه ریش ایشی تاریخی یادگارلیک لرگه قنده ی تاثیر قالدیرش مساله سی خصوصیده هم بوهیات فکر بیلدیریشینی ایتدی:"مدنیت خبرلر وزیرلیگی نینگ باستانشناسلیک بولیمی و بیرلشگن ملت لر تشکیلاتی نینگ فرهنگی بولیم نماینده سی بامیان گه کیلگن لر.اولر کانلرنی قازیب چیقه ریش ایشی تاریخی یادگارلیک لرگه منفی تاثیر قالدیرمسلیگینی کوریب چیقه دی.همده اولربوموضوع نی کانلر وزیرلیگی بیلن شیریک قیله دی. یعنی کانلر درامدی نینگ بیرقسمی بوخصوصده اجره تیلسه شواساسده بیز کیله جک ییلده تاریخی یادگارلیک لرنی سقلش و قیته تیکلشگه موفق بولسک." دییدی بامیان ولایتی نینگ مدنیت وخبرلراداره سی باشلیغی

بامیانده جایلشگن حاجی گگ کانی افغانستان نینگ ییریک کانلریدن بیری حسابلنه دی . بو کان یانیده تاش کومیر کانی هم موجود بولگن.