محمدقسیم فهیم نینگ خاطرلش کونیده سیاسی صحبت لر

Image copyright Getty

افغانستان حکومتی تاماندن سابق افغانستان جمهور رئیسلیگی نینگ اورین باسری محمد قسیم فهیم وفاتی نینگ بیرینچی ییللیگی خاطرلندی.

دولت مخالف لری بیلن تینچلیک جریانی ومذاکره لراوتکزیلیشی وافغانستان نینگ سیاسی کیله جگی قنده ی لیگی بومراسم صحبت لرینی تشکیل بیرردی.

محمد قسیم فهیم عالمدن اوتگنی گه بیرییل تولگنی مناسبتی بیلن لویه جرگه خیمه سیده یولگه قوییلگن ییغینده افغانستان جمهور رئیسی محمد اشرف غنی، سابق افغانستان جمهور رئیسی حامد کرزی، اجرائیه رئیسی عبدالله عبدالله وبیرقطارجهادی رهبرلروحکومت نینگ یوقاری مرتبه لی رسمی لری اشتراک ایتگندی.

بو ییغینده افغانستان جمهور رئیسی محمد اشرف غنی سوزگه چیقیب قیلگن قیسقه صحبتی ده فهیم جنابلری اولیمینی ایسلب اونینگ حیاتدن کوزیومگنی اوچون جایی بوشلیگینی تیلگه آلدی.

محمد قسیم فهیم کرزی حکومتی دوریده مارشاللیک رتبه سینی آلیشیگه موفق بولدی.

او احمد شاه مسعود اولیمی آرتیدن طالبانگه قرشی جبهه نی رهبرلیک قیلگنی اوچون موقعی کوتریلیب کیتدی.

فهیم جنابلری بیش ییلیک کرزی حکومتی دوریده اونینگ بیرینچی اورین باسری بولیب خذمت قیلدی.

افغانستان جمهور رئیسی حامد کرزی اوز صحبتیده قسیم جنابلریدن ایسلش بهانه سی بیلن پاکستان رسمی لری تکلیفی گه اساسن فهیم دیورند چیزیغی نی رد ایتگنینی تیلگه آلدی.

شونینگ کرزی جنابلری قسیم جنابلری مملکت گه عاید مهم مساله لرنی جهادی رهبرلرونفوذلی شخصیت لربیلن مصلحت قیلیش ضرورلیگی باره سیده تاکیدقیله یاتگنینی ایتدی.

کرزی نینگ بواظهاراتی یقینده رسمی کابل بیلن اسلام آباد علاقه لری یخشی بولگن بیرپیتده بیلدیریلماقده.

بوندن آلدین ایریم جهادی رهبرلر ملی بیرلیک حکومتی دن قیله یاتگن حرکت لری باره سیده اولرنی جریانگه قوییش لری طلب قیلینگن ایدی.

قسیم فهیم نینگ خاطرلش ییغینیده گی صحبت لرنینگ بیرقسمی تینچلیک مذاکره لری باره سیده بغیشلندی.

ملی بیرلیک حکومتی دولت مخالف لری بیلن تیزآره ده توغری-توغری مذاکره قیلیشی باره سیده خبربیریب وبوملاقات لرتینچلیک برقرارله نیشی گه سبب بولیشی ممکن لیگی گه امید قیلماقده.

هرچند جنگ تامانی طالبان گروهی حسابلنه دی.

بوحرکت حاضرگچه افغان حکومتی بیلن هرقنده ی صحبت لرنی رد ایتیب کیلماقده.

ملی بیرلیک حکومتی اجرائیه رئیسی عبدالله عبدالله اوشبومراسمده دولت مخالف لری صلح اوچون مذاکره قیلیشگه حاضربولگن تقدیرده خوش قرشیله نیش لرینی ایتدی.

اونگه کوره تینچلیک سبب عیاللر اوز حق وحقوق لریدن محروم بولمسلیک لری ممکن.

پاکستان رسانه لری طالبان گروهی گه افغانستان نینگ بیرقطاروزیرلیک لری و ولایت لرتاپشیریلیشی محاکمه ایتیلگنی باره سیده گزارش بیره یاتگن بیرپیتده بوصحبت لرتیلگه آلینماقده.