افغانستانده کته سانده گی امریکالیک حربیلر قالیشی احتمالی موجود

Image copyright Reuters

امریکا بیر یوقاری مرتبه لی رسمی سی، امریکا دولتی افغانستان دن اوز عسکرلرینی آلیب چیقیش جریانینی تیزلشتیریشی باره سیده اویلب کوریشی نی ایتگن.

اسمی سیرسقلنیشی نی ایسته گن امریکا بو رسمی سی نینگ ایتیشیچه، امریکا جمهور ریسی باراک اوباما و افغانستان رهبری محمد اشرف غنی خوفسیزلیک مسله لری و صلح جریانی باره سیده بیر نیچه بار صحبت اوتکزگن.

افغانستان جمهور رییسی امریکا دولتی دن کیله سی ایککی ییلگه قدر اوز عسکرلرینی آلیب چیقیشی باره سیده شاشیلمسلیگی نی سوره گن.

امریکا بو رسمی سیگه کوره، جمهور رییس غنی نینگ طلبی اوباما اداره سی تمانیدن جدی کوریب چیقیلماقده.

بو رسمی نینگ ایتیشیچه، امریکا نینگ افغانستانده گی حربی کوچلری باش قوماندانی جنرال جان کمپل هم افغان خوفسیزلیک کوچلری ملکه سی آشیریلیشی اوچون قطار تکلیفلر قویگن و بو حقده فکر وملاحظه لر بیلدیریلماقده.

غرب عاموی اخبارات واسطه لری هم امریکا نینگ کته سانده گی حربی کوچلری افغانستان ده باشقه ایککی ییللگه قدر قالیشی باره سیده خبر بیریشگن.

حاضرگی پیتده امریکا نینگ قریب 2000 عسکری تیرورچیلیک عملیاتلرده قتنه شیب تورگن.

امریکا حربی قوماندانلری القاعده ترماغی و داعش فعالیتینی توخته تیش اوچون تیروریستلیککه قرشی عسکرلرنینگ انیق سانی افغانستان ده قالدیریلیشی کیره کلیگی نی ایتگن.