جوزجان رسمی لری: 3نفراولیمیگه سبب بولگن قرقینده گی نمایشده قتنشگن شخص لردن بیرقطاری اسلحه لی بولگن

Image copyright

نمایشدن مقصد تورکمنستان توپراغی گه اهالی اوتیب شیرین بویه قزیش اوچون دولت تاماندن رخصت آلیب بیریلیشی بولگن. بو ناراضی لیک نمایشی بوتومن نینگ یوزلب اهالیسی اشتراکی بیلن دوشنبه کونی ایرته لب بوتومن نینگ حاکملیک بناسی قرشی سیده اوتکزیلگن. جوزجان ولایتی حاکمی اورین باسری عبدالرحمن محمودیگه کوره ناراضی اویوشتیرگن لر اورته سیده بیرقطاردولت مخالف لری کیریب نمایشنی زوره وانلیککه ایلنتیرگن. شونینگ دیک اونینگ ایتیشیچه ناراضی لرهجوم قیلیب حاکملیک بناسیگه کیریب بنا ایچکریسیده گی اتاق ایشیک وشیشه لرینی سیندیریب همده پلیس گه هجوم قیلیشگن. اونگه کوره نمایشچی لر اورته سیده گی یوزی اوره لگن قوراللی لرپلیس گه اوق اوزیشگن و پلیس هم ناچارلیکدن اوزینی محافظه ایتیش اوچون اوق آته باشله گن. بواوروش یریم ساعت دوام ایتیب نتیجه ده 3نفر اولیب 5کیشی یره لنگن. اوروش باشله نیب کیتگنی سبب نمایشده قتنشگن آدم لرهم هریاققه ترقاقله شیب کیتگن. بوبیلن مذکور نمایش نهایه تاپگن. جوزجان حاکمی اورین باسری محمودی جنابلری بوناراضلیکدن مقصد تورکمنستان تامانی بوتومن اهالیسی گه دریادن اوتیب چگیره نینگ اویاقیدن شیرین بویه ناملی داری توزله دیگن اوت ریشه سینی قزیش رخصتی محل رسمی لری تاماندن آلیب بیریلیشی بولگنینی باره سیده خبربیره دی. او بوطلب اورینلی بولمه گنینی ایتیب قوشنی تورکمنستان اوز توپراغیگه عاید حدودگه باشقه مملکت وطنداشینی ناقانونی اوتیب قیتیشگه رخصت بیرمسلیگی گه حقلی دیب ایته دی. یره لنگن لردن بیرقنچه سی شبرغان کسلخانه سیگه دوالش اوچون آلیب کیلینگنی، خبرقیلینگن. اما ناراضی لیک اویوشتیرگن لر حاکملی بناسیگه باسدیریب کیرگن دیب رسمی لرتاماندن قیلینگن بو ادعالرنی رد ایته دیلر. اولرحاکم لیک ایشیگیده تینچ نمایش اوتکزیب تورگن پیتی پلیس کوچلری تاماندن اوق آتیلیب تلفات لرگه سبب بولگنینی تیلگه آلیشه دیلر. حادثه دن کیین بومساله نی اورگه نیب وتیکشیریش اوچون ولایت رسمی لری دن عبارت بیرگروه هیات بو تومن گه سفر قیلگن. ناراضی لیک اوتکزگن قرقین اهالیسی اوتگن ییللرجریانیده دریا یانیده گی کوپلب هکتارایکین زار ییرلری سوو تهدیدی سبب تورکمنستان توپراغیگه قوشیلیب کیتگن. جوزجان شمالی ده جایلشگن بوتومن شمالیدن اوته دیگن دریا سووی افغانستان توپراغیگه عاید ایکین ییرلرنی هرییلی باسیب، دریاگه قوشیلیب کیتیشی منطقه اهالی سی نینگ شکایت لری بیلن بیرگه. سوو تهدیدلری آلدینی آلیش اوچون دولت تاماندن کوریلگن چاره لرهم نتیجه لی بولمه گن.