جنرال دوستم نمه دن شکایتده؟

"نیویارک تایمز"روزنامه سی"افغانستان جمهور رییسی نینگ بیرینچی معاونی، سابق اوروش قوماندانی چیکه لنتیریلگچ، توتقماقده" دیگن مقاله چاپ ایتدی. مقاله مولفی اعظم احمدنینگ ایتیشیچه، دوستم بوندن بیرآز اول خوفسیزلیک کینگشیده ییغله گن.

"خوفسیزلیک بوییچه ییغیلیشی ایندیگینه باشلنگنیده افغانستان بیرینچی معاونی، سابق اوروش قوماندانی عبدالرشید دوستم ییغله ی باشله دی".

بو ملی خوفسیزلیک کینگشی نینگ عادتی هفته لیک ییغیلیشی نینگ غلطی باشله نیشی ایدی. یوزلب طالبان محبوسلرینی اولدیریشده عیبلنگن جناب دوستم چیندن تولقینلنگن ایدی. او خانه ده گی باشقه قدرتلی شخصلر طرفیدن اعتبارسیز قالگنیدن نالیب، جمهور رییس اشرف غنی همده اونینگ خوفسیزلیک مصلحتچیسی حنیف اتمرنی تیلگه آلدی.

"هیچ کیم مینینگ تیلفون قونغیراقلریمگه جواب بیرمه یپتی!" ـ دیب اوکیردی بوندن بیر قنچه اول اوتگن ییغیلیشده. بونی اوشبو مجلسده قتنشگن ایکی کیشی تصدیقله دی."مین فقط وطنیمیزگه یاردم بیرماقچی من. خلق مینی جنرال درجه سیگه کوتردی، بیراق هیچ کیم مینینگ مصلحتلریمگه قولاق سالمه یدی!"

روزنامه نینگ یازیشیچه، بو صحنه اوروش قوماندانی دوستم نینگ قاغازده مملکت نینگ اینگ اهمیتلی سیاستچیلریدن بیریگه غلطی روشده ایلنگنلیگینی ایضاحله یاتگندیک ایدی.

سپتمبر آییدن بیری بیرینچی معاون لوازمینی ایگللگچ، او اوزینی یکه له گن حالده تاپه باشله دی و بوندن جیغیبیران بولدی. اشرف غنی اونی اوتگن ییلی اوزیگه شیریک قیلیب تنله گندی، بو قرار انچه مباحثه لی روشده قرشیلنگن ایدی. انسان حقوقلری فعاللری اونینگ اوتمیشی نی ایسگه سالیب، جنایتلری حقیده آگاه ایتیشر، بیراق افغانستان نینگ 10 فایزچه اوزبیک اهالی سی نینگ دوستمگه صداقتی غنی گه قول کیلگن ایدی.

قره مه ـ قرشیلیکلرگه قره مسدن کوزه تووچیلر دوستم نینگ لوازم نی ایگللش بیلن آق کونگلی تویدی دیگن فکرده ایدیلر، چونکه بیرینچی معاونلیک لوازمی افغانستان سیاستیده ایلک بار کیریتیله یاتگن ایدی. لیکن ایندی عیان بولیشیچهف حساب ـ کتابلرده حتی کیتگن ایکن، ـ دیب یازه دی روزنامه. نوامبر آییده او کابلده یوز بیرگن خودکشلیک هجومی صحنه سیده پیدا بولیب، کمیره لر اونگیده آغیزیگه کیلگن نرسه لرنی گپیره باشله دی. جمله دن او اوزی نینگ اوتمیشینی ایسلب، اوز پیتی 45 مینگ القاعده جنگریلرینی مملکتدن سوریب چیقرگنلیگینی تیلگه آلدی. اوندن کیینگی آی او توستدن 20 مینگ کیشیلیک قشون توزیب، مملکت نینگ اینگ خوفلی منطقه سیگه یوباریش غایه سی بیلن چیقدی. کیچراق او گپلریدن تاندی، لیکن سیاسی موجلر مملکت بویلب ترقب بولگن ایدی. سونگ او اولکن طنطنه ایله جوزجان ولایتیده 200 طالبان نینگ تینچلیک جریانیگه قوشیلیشگه اونده گنینی بیلدیردی. بیراق معلوم بولیشیچه، بولر اونینگ سابق عسکرلری ایکن. محلی فعال و قریه لرنینگ بیلدیریشیچه، اولرنینگ سانی هم 200 ایمس، 30 ـ 40 اطرافیده ایکن. روزنامه نینگ یازیشیچه، اولر دوستم دن بو مقاله خصوصیده شرح سوره شگن، بیراق جواب بیرمه گن. یوقاریده ایتیلگنلری نینگ بعضیلری مراقلی تویولسه ـ ده، معما انچه جدی. گپ شونده که، دیب یازه دی روزنامه، اگرده غنیگه بیر نرسه بولگودیک بولسه، حاکمیت بیرینچی معاونی دوستمگه اوته دی. "بیز بونی هیچ قچان اونوتمسلیگیمیز کیره ک!" ـ دیب ایتگن غرب دیپلماتلریدن بیری خواطر ایله. اشرف غنی دوستم دن سیلاولر دوریده فایده لنگچ، کیینچه لیک اونی انچه یین احتیاطلب قویدی. دوستم، غرب و افغان رسمیلری نینگ روزنامه گه بیلدیریشیچه، قرار قبول قیلووچی ایچکی دوره دن اوزاقلشتیریلدی. تیلگه آلینگن مجلسده دوستم اشرف غنی نی اوزینی "فاشیستلر" بیلن قورشب آلگنیده عیبلنگن. بعضیلر دوستم نی و اونینگ تیلگه آلینگن ییغینده بقیریب ـ چقیرینی جدی قبول قیلیشماقده. جمله دن طالبان نینگ قندوز ولایتیده گی رهبری ملا عبدالسلام جنرال دوستم نینگ ینگی قشونلر حقیده گی غایه سینی ایضاحلب، اونی ترغیبات اوروشی دیب اته گن. بو بیلن بیر قطارده، اونینگ فکریچه، بو کبی غایه لر چیت ایللردن اولکن مبلغلرنی طلب قیلیب، بولرنی خلق یولیده ایشله تیشده چلغیته دی، دیب ایتگن او.